بوندن اون‌بیش آی آلدین چین جنوبیده جایلشکن بیر اورمانزارنی ترک ایتکن سرگردان فیللر دم آلیش و استراحت‌لری چین اهالی‌سي دقتی‌ني اوزیگه جلب ایتکن.
بو سرگردان فیللر ۵۰۰ کیلومتر مسافه‌ني گیزیب چین‌نینگ شیانگ ایالتی‌ده‌گی بیر قشلاقده دم آلماقده. بو فیللر اوتکن بیر ییل مدتیده کیچه و کندوز حرکت دن قالمگن. اولرنی سفری جهتی و سبب حاضرگه‌قدر معلوم بولمگن.
اوچروچی‌سیز ا‌وچاقلر بیلن بو سرگردان فیللر دم‌آلیش جریانیدن آلینگن تصویرلر چین ایچکرسی و تشقری‌سیده میلیونلب کیشی دقتی ني اوزیگه جلب ایتکن.
اون‌بیش آی آلدین، بو فیللر چین جنوبیده جایلشکن ” یونان” ایالتی ده اوز یشش محل‌لرینی ترک ایتکنده، پولیس فیللر سفری جهتی ني دايم ایزلردی.
چینی رسانه‌لر راپوریگه کوره بو اون‌بیش سرگردان فیللر، چین‌نینگ اکثر ایالتلرینی گیزیب ایکینزارلردن اوتب دهقانلرگه میلیونلرچه دالر خساره یتکزگن.
چین پولیسی اما بو فیللر سفرینی ۲۴ ساعت نظارت آستیده آلیب اولرنی توختتیش اوچون هیچ بیر ایش قیلمه‌‌دی. میلیونلرچه دالر خساره کورگن چین اهالی‌سي ایسه بو فیللر سفرینی آلقیشلب بو فیللر یشش اوچون مناسب بیر جای‌ تاپیشینی کوتماقده‌لر.
بو سرگردان فیللر شیانگ ایالتی ده دم آلیش دن سونگ قیسی تمان حرکت قیلیشی هنوز نامعلوم دیر. وحش حیاتی متخصصلریگه کوره چین جنوبیده بو فیللر یشش محللری بوزیلگنی سبب اون‌بیش آیلیک سفر خطرینی بو فیللر قبول قیلیب حیاتلری اوچون مناسب بیر محل‌ني قدیریش ده سعي و حرکتلری دقت گه سزاوار دیر.