کرزی: یقینده جدّي تینچلیک مذاکره‌لری باشلنه‌دی
neshananews
13 July 2021سابق جمهوررییس حامد کرزی نینگ ایتیشیچه، یقینده افغانستان حکومتی و طالبان اۉرته‌سیده جدّي تینچلیک مذاکره‌لری باشلنه‌دی.
جناب کرزی بوگون ( سه‌شنبه ۲۲ سرطان) کابول‌ده‌گی مطبوعات انجمنیده افغانستان تېز آره‌ده موجود وضعیتدن چیقیب کېتیشینی ایتدی. جناب کرزی یقین کونلرده قطرده افغانستان حکومتی و طالبان اۉرته‌سیده جدّي تینچلیک مذاکره‌لری باشلنیشینی قۉشیمچه قیلدی. بیراق، او اوشبو مذاکره‌لر باشلنیشی نینگ انیق تاریخی‌نی ایتمه‌دی.
سابق جمهوررییس حکومت و طالباننی اوروش‌نی توخته‌تیش و مملکتده تینچلیک اۉرنه‌تیش اوچون ایشلشگه چقیره‌دی. جناب کرزی طالبانگه کوره‌شنی توخته‌تیش و مملکت تمل قوریلمه‌لرنی یۉق قیلیشی آلدینی آلش ده حرکت قیلیشلرینی تاکیدلشدی شونینگدېک، او مملکتده سیاسي تیزیم توزیلیشینی سه‌قلب قالیشنی ایسته‌یدی.
مملکت نینگ سابق جمهوررییسی ملي اردو و مملکت خوفسیزلیک قوتلری آیاقلریده کتّه قیینچیلیکلر بیلن توریشگنینی و بو کوچلر هر قنده‌ی حالتده هم سه‌قلنیب توریلیشی کېره‌کلیگینی تأکیدله‌ماقده.
جناب کرزی نینگ سۉزلری مملکتده سۉنگگی ایکّی آی ایچیده زۉرآورلیک اوج آلگن پیتگه اظهار ایتیلگن. بیراق یقینده تینچلیکنی مذاکره‌لری قیته باشلنیش اوچون حرکت لر کوچیگن. افغانستان حکومتی و طالبان هیاتلری اۉتگن هفته تهرانده اوچره‌شگن و امریکا نینگ افغانستانده‌گی تینچلیک بۉییچه مخصوص وکیلی یقینده قطرگه سفرقیلگن.
