یوناماا

یوناما: افغانستانده فسادگه قرشی کوره‌ش خارجي قۉتلرنی چیقیب کېتیشی دن‌سونگ سېکینلشگن

neshananews

neshananews

04 August 2021

 بیرلشگن ملتلر تشکیلاتی نینگ افغانستانده‌گی یاردم وکالت‌خانه‌سی (یوناما) افغانستانده فسادگه قرشی کوره‌ش چېت اېل قۉشینلری چیقیب کېتیشی بیلن سېکینلشگنینی اعلان قیلدی.

 یوناما بوگون (چهارشنبه‌ ‌ ۱۳ اسد) نشرایتکن راپوریده افغانستان حکومتی ۱۳۹۹ ییل قوس آییده بۉلیب اۉتگن ژنوا کنفرانسی‌دن کېین فسادگه قرشی کوره‌ش‌ده جدي راق آدیملر کوتارگنی حقیده یازگن.

 حساباتده فسادگه علاقه‌دار بۉلگن محکمه تیزیمی تامانیدن حکومت نینگ اۉرته‌ و یوقاری مرتبه‌لی رسمیل ی حبسگه آلیش حالتلری کۉپه‌یگنی یوقاری بهالنه‌دی.  خبرده ایتیلیشیچه، حکومت نینگ بو حرکتی فسادگه قرشی کوره‌شده دولت نینگ قانونيلیگینی آشیره‌دی.

 حساباتده ایتیلیشیچه، کرونا اېپیدېمی‌سی، قورغاقچیلیک و اېنگ مهمی، خارجي قۉتلر مملکتدن چیقیب کیتیشی‌دن کېین زۉرآورلیک اوج آلیشی افغانستان حکومتی‌نی فسادگه قرشی کوره‌شده ینه‌ده قیین احوالگه سالیب قۉیگن.

 یوناما اوشبو حساباتده افغانستان حکومتی‌نی قانونيلیگینی یخشیلش و یخشی باشقروونی مستحکملش اوچون فسادگه قرشی جدّي کوره‌ش آلیب باریشنی دوام اېتتیریشگه چقیرگن.

 افغانستان حکومتی اېسه اداری میکانیزملرنی دیجیتاللشتیریش دستوریگه کیریشدی و یقینده دولت خدمتچیلری نینگ معاشینی تۉله‌ش جریانینی الکترونیک بولگنی خبرقیلیندی.  حکومت گه کوره، مملکت اداری ایشلری جریانلرنی دیجیتاللشتریلگنی فسادنی کمه‌یتیریشده ثمره‌لی بۉلیشی ممکن.