w1240-p16x9-herat

اوی دن چیقمنگلر؛ هرات یشوچیلریدن بیری نینگ اون کونلیک قرنطین دن روایتی

neshananews

neshananews

25 March 2020

افغانستان، منطقه و دنیا مملکتلری بوکون لرده مثلی کورینمگن و اولیملی کرونا ویروسی بحرانی بیلن یقه مه یقه بولگن، بو کسل لیک نی دوالش و اونی کنترول قیلیش یوللری هم حاضرگه قدر بیر مه بیر موفقیت قازانه آلمگن.

اما متخصص لر نظریدن بو ویروس گه غلبه قازانیش اوچون یگانه یول، بو ویروسی نینگ اولکه ده ییرلیشی آلدینی آلیش دیر. کرونا ویروسی اجتماعی ییرلیش باسقیچی گه یتیب بارگن بیرقطار مملکت لرده، حکومتلر اویدن چیقمسلیک قرنطین باسقیچینی عملی قیلماقده لر.

انسانی زنجیره لرنی کیسش، کرونا ویروسی ییرلیشی الدینی آلیش اوچون معقول یول بولگنی ایتلگن. اما هرات ده یقال کورینیب تورگن و بوتون افغانستان ده ییریک بحران توغدیرگن نرسه، اوی دن چیقمسلیک و قرنطین گه نسبتا” مردم نینگ عجایب قرشی لیگی و بو چاره تدبیرگه اعتنا سیزلیک لری دیر. هرات ده اوی دن چیقمسلیک قرنطین نی رعایه ایتیش اهمیتی او پیت ده جدی راق بولگن که اوتکن اون بیش کونده ایران دن قریب یوزمینگ افغان قاچقین لر، اسلام قلعه بندری آرقلی مملکت گه قیتیب کیلیش لریگه تیگیشلی دیر.

هرات ولایتی عامه ساغلیک اداره سی مسوللری هرات ده کرونا ویروسی ایران دن انتقال تاپکنی اورغولب یقین کیله جکده بو ویروس نی یوقتیرگن لرسانی کنترول قلیب بولمس درجه ده کوپیشی دن تشویشلر دیردیدیلر. اما عکسینچه شهر یشوچیلری اکثریتی نینگ دقت سیزلیگی گه قره می، ایریم شخص لر اوزلری ، عایله لری و وطنداشلری سلامت لیگی نی، اون ییل دن سونگ اوز فرزندلرینی قوچالش دن افضل کورماقده لر.

۳۵ یاشده بولگن حکمت الله ایران ده کوپ ییل لر حیات کیچیریش دن سونگ اون کون آلدین آنه یورتی گه قیتیب کیلدی. اما او، اوز رغبتی بیلن اوزینی قرنطین قیلگن و حتی عایله سی نی یقین ملاقات قیلمگن. اودیدی: اگرچه اوز فرزندینگ نی قوچاغلشه آلمسنگ اوته قیینت دیر اما هیچ نرسه مردم و وطنداشلرینگ سلامت لیک دن مهم ایمس .

او، عایله سی و مردم بیلن توغریدن توغری اوچرشیش نی امکانی باریچه کمیتیرگن و اویی ده بیراتاق ده اون کون اوزینی قرنطین قیلگن، چونکه اگر کرونا ویروس گه چیلینگن بولسه، بو ویروس نی باشقه لرگه انتقال بیریشی ممکن دیدی.

بو شخص نینگ بو حرکتی هرات عامه ساغلیک اداره سی و مردم نینگ آلقیش لریگه سزاور بولگن. هرات ولایتی طب فاکولته سی استادی عبدالسبحان صدیقی دیدی؛ مردم و خصوصا مسافرت دن قیتیب کیلگن شخص لر، ساغلیک نی سخلش و وقایوی چاره تدبیرلرنی نظرده توتیش لری کیرک، اگر بو چاره تدبیرلر نظرده توتیلمسه شبهه سیز کرونا ویروسی اولکه ده ییرلیب کوپلب آدم لرنی یوقتیریشی ممکن. اونگه کوره حاضرچه بو ویروس نی یوقتیرگن کیشی لرگه اینگ مهم مساله اویدن چیقمسلیک و قرنطین نی رعایه ایتیش دیر، چونکه فقط شو تدبیر بیلن کرونا ویروسی نی کنترول قلیش ممکن .

باشقه تماندن هرات ده کرونا ویروسی مثبت واقعه لری ثبت بولگن دن سونگ، ایککی کون آلدین افغانستان عامه ساغلیک وزیری فیروز الدین فیروز هرات قرنطین بولیش لایحه سینی آلغه سوردی. مرکزی حکومت مقام لری حاضرگه قدر بو لایحه گه مثبی جواب بیرمگنلر.

اما هرات عامه ساغلیک اداره سی ریسی عبدالحکیم تمنا دیدی، عامه ساغلیک وزیری تکلیفی علمی جهت دن توغری، اما هرات شهری نینگ قرنطین بولیشی قنچه لیک ممکن می یا یوق؛ بو خصوص ده کتته راق کولم ده بحث بولیشی لازم.

بوندن آلدین تمنا جنابلری ایتکندی هرات ده مردم باردی کیلدی سینی کنترول قلیش اوچون، دولت کوچ سیزلیگی گه قرگنده، هرات ولایتی نی قرنطین ده سخلش بیر قیینت لایحه و حتا ناممکن کورینه دی. هرات نی قرنطین قلیش لایحه سی اوندای حالده اورته گه قویلماقده که کرونا ویروسی نی یوقتیرگن لر رقمی کوپیب بارماقده. عامه ساغلیک وزیرلیگی تمانیدن نشر بولگن سونگی رقم گه کوره حضرگه قدر ۴۲ مثبی واقعه مملکت ده رویخط ده آلینگن، بوندان ۲۱ کیشی سی هرات یشوچلری بولگن.