طالب-و-ارتش-880x550

اردو می طالبان؛ اوروش کیم‌نینگ منفعتی‌گه؟

neshananews

06 June 2021

افعانستان اورویشی هرچند بیر مرکب باسقیچده کیرگن و اوني برچه قبتلرینی تحلیل و محکمه ایتیش بو ساحه تحقیقات‌چیلری اوچون قیینت‌دیر اما آچیق آیدین نرسه شو که بو اوروش افعانستان اردوسی منفعتی‌گه دیر. طالبان اوتکن بیر ییل دوامیده مملکت شمالی و جنوبی‌ده بیرقطار ولایتلر و استراتیژیک منطقه‌لرنی تصرف ایتیش اوچون کوپ سعی قیلدیلر و بو طریقه بیلن اوزلرینینگ حربی کوچ و قوتلرینی نمایش‌گه قویب صلح مذاکره‌لری جریانیده کوپراق امتیاز الیش گه اوریندیلر. اما امنیتی قوتلر بوگروه هجوملرینی هرمنطقه ده دفع ایتیب و بو هجوملر توغدیرگن خطرل ني چیپک‌گه چیقاریش گه موفق بولدیلر‌.

طالبان تعریفلنگن اوروش‌ده امنیتی قوتلر بیلن اوروشیش و مقابله قیلیش ده کیرکلی کوچ و قابلیت‌گه ایگه ایمس. افعانستان‌نینگ تعلیم کورگن اردوسی، کماندو و ملي امنیت اداره‌سی‌نینگ خاص قوتلری تعریفلنگن اوروشلر، هوا و ییر هجوملریده قابلیت و مهارتلری یوکسک دیر. افعانستان امنیتی و اردو قوتلری نيچه جهت دن اوروش میدانلریده طالبان دن کوره یوقاری دیر، شونی اوچون طالبان اوروش میدانلریده مغلوبیت‌لرینی انتحاری‌هجوملر،  ریجه‌لنگن ترورلر و چریکی اوروشلر بیلن یاشیرماقچیلر.

بیرینچی دن اکثر اهالی، ضیایی‌لر، سیاستچی‌لر و عیاللر افعانستان اردو‌قوتلریدن حمايت و ارقه‌داشلیگی ایته‌دیلر که بو موضوع اولرنی اوروش مورالی، حربی قوتی و کورشلریگه معنا بغیشلگن. چون افعانستان‌ده‌گي جاري اوروشده خارجی عامللر دخلدار و طالبان، استراتیژیک مقصدی کابل‌ده بولگن بیرخارجی مملکت تمانیدن حمايت بوله‌دي. شو جهت‌دن افعانستان اردو و امنیتی قوتلریدن ایچکی حمايت شکللنگن و بو حمايت کون سیون کوچلی بولماقده. افعانستان برچه یشوچیلری بیله‌دیلر ‌که بو مملکت‌ني امنیتی و مدافعوی قوتلری‌نینگ کورشی حق دیر و بو قوتلر مردم‌نینگ جان، مال و بیر ایرکین و برقرار افعانستان دن مدافعه ایتش اوچون کورشه‌دیلر‌.

اوروش جغرافیاسی و عامه فکر هم افعانستان امنیتی و مدافعوی قوتلری منفعتی‌گه دیر. بو قوتلر اینگ مرکب و قیینت شرایط‌ده افعانستان توپراقی‌دن مدافعه ایتکن‌. خارجی قوتلرنی افعانستان دن چیقیشی افعانستان اورویشیده ییریک تاثیر یتکزمیدی. افعانستان اردوسی مردم حمایتی، ییترلیچه بودجه و ایچکی و خارجی ارقه‌داشلیک‌گه ایگه دير. برچه همکارمملکت‌لر هم افعانستان اردوسیدن لوژستیکی، اقتصادی و تعلیمی ساحه‌لرده حمايت قیلیش‌دن سوزبیرگنلر. بوحمایت و ارقه‌داشلیک سبب افعانستان و جهان جماعه‌سي بو قوتلر فعالیت لریده امید باغله‌گنلر و بو قوتلرنی طالبان گه قرشی کورش و اوروشینی مختوگه سزاوار بیله‌دیلر‌.

ایچکی حمايت و تشقی مملکتلرنی مالیوی ارقه‌داشلیگی افعانستان ملي اردوقوتلری اوچون کتته اهمیت‌گه ایگه دير. ایچکی حمايت دوام ایتیشی اردوقوتلری کورشی‌گه معنا‌ معنابیرگن و جهان جماعه‌سي  و تشقی مملکتلرنی بو قوتلردن هرتمان‌له‌مه حمایتی بو قوتلر روحیه‌سيني قوللب‌قوتلشکن و افعانستان اردوقوتلری تورلی صحنه‌لرده حاضرگه قدر کوزگه کورنرلیچه پارلگن.حربی تحلیلچی‌لر ۲۰۱۴ میلادی ییل‌ده یعنی خارجی قوتلرنی کتته قسمی افعانستان‌ني ترک ایتکن وقت‌ده، افعانستان اوروشی ده طالبان جنگچیلری غالب چیقیشی‌‌دن سوز‌یورتکندیلر، اما افعانستان ملي اردو قوتلری‌نینگ اوروش میدانلریده کورش و غلبه‌لری کورستی که بو قوتلرنی قابلیت و ملکه‌لری عامه اهالی و متخصصلر تصورلریدن بلند دیر و اردو عسکرلری خارجی‌لر یاردمی‌سیز بو اوروش یوکی‌ني اوز ایلکه‌لریده کوتره‌آله‌دیلر‌.

شو جهت دن، طالبان اوروش میدانلریده مغلوبیت‌گه اوچرشکندن و تلفات بیرگن دن سونگ، ریجه‌لنگن ترور، خودکش هجوملر، چریکی هجوملر و آدم‌ اوغیرلش کبی ایشلرگه یوزکیلتیریش‌گه مجبور بولگن.امنیت و سیاست بویچه تحقیقاتچی تمیم‌عاصی بیرمقاله ده یازگن‌که افعانستان تاریخی‌ده دايم عسکرلر، چریکلر مقابلیده شکست‌گه اوچرشکن، اما افعانستان اردوسی‌نینگ طالبان گه قرشی حاضرگی کورشی، افعانستان ده حاضر دوام ایتیب باره‌یاتکان وضعیت گه صدق قیلمیدی‌. طالبان بیرچریکی گروه‌ دیر و بوگروه اوروش قاعده‌لری و خلق ارا معیارلرنی اصلا رعایه ایتمیدی‌.

مدافعوی حالت دن هجوم حالت‌گه اوتیش، امنیتی قوتلر منفعتی‌گه اوروش حالتی اوزگرگنی، ایچکی و تشقی حمایت‌لر دوام ایتیب باریشی و ایگرمه تروریستی گروه‌لرگه قرشی کورش‌ده افعانستان ملي اردو قوتلرینی کوچلی روحیه‌سی، بو قوتلرنی تورلی میدانلرده غلبه و تفوق گه یتکزگن. بو وضعیت در حقيقت بونی کورسته‌دي که ناتو قوتلری ایلکه‌سیده یوکلنگن بو اوروش یوکی‌ني حاضر یالغیز افعانستان امنیتی قوتلری کوتاریب و بو یولده کوچلی و عزم و اراده بیلن آلغه‌قرب بارماقده‌لر.

بو موضوع ني تاکیدلش جایزکه افعانستان اردوقوتلری حاضر ایسه ییریک تروریستی گروه‌لرگه قرشی کورشماقده و دنیانی قدرتلی مملکتلری حتی یکه‌لیک ده بو ترویستی گروه‌لرگه قرشی کوش ده قادر ایمسلر،داعش، القاعده و اولرنی میزبانی یعنی طالبان، کتته مبلغ و ییریک حربی کوچ گه ایگه گروه‌لر دیر که حاضر ایسه افعانستان اردو و امنیتی کوچلری قوت بیلن یالغیز اوزلری اولرگه قرشی کورشلرینی دوام ایتیرماقده‌.