شبرغان شهریده ۵۰ عیال التی آی مدتیده خیاط لیک،سواد اورگنیش و مارکتینگ اورته مدتلی تعلیمی دوره نی بیتکزدیلر.

بوآلتی آی لیک دستورده قتنشکن لردن بیری کریمه دیر. او نشانه خبرآژانسی خبرنگاری بیلن صحبتی نی بوندای باشله‌گن: “بیز سیاسر ایمس میز، عیال میز.(عمل کردن برای تغیر) ناملی موسسه تمانیدن یولگه قویلگن آلتی آی لیک تعلیمی دوره ده خیاط لیک، سواد اورگنیش و بازارتاپیش مهارتلرینی اورگنیب ایندی بیر موفق و اوزیگه ته‌ینگن عیال اوله راق اوزمیز واولکه میزگه خذمت کورستیب فعالیت قیله‌آله میز”.

 کریمه اوز سوزلری دوامیده ” بیزاوتمیش ده اوقیش و یازیش نی بیلمسدیک و حتی هیچ قچان قلم نی قولگه آلمگندیک، اما حاضر دوکان لر لوحه لری وخصوصا شفاکارلرلوحه لرینی اوقیب بوتوغریده‌گی معمالری میزنی حل ایته‌آله میز، بو اولکن نعمت دیرکه بیز آلتی آی مدتیده کسب ایتیش گه موفق بولدیک” دیب ایتی.

عیاللر اوچون بو تعلیمی دوره نی یولگه قویگن بو نادولت موسسه تورلی ساحه لرده (جی پی) خلق ارا موسسه سی همکارلیگی بیلن فعالیت قیلماقده. بو موسسه آلتی آی لیک دوره نی بیتکزگن عیال لرگه درآمد کسب ایتیش اوچون تیکش ماشینی و باشقه بیر قطار ایش اسباب اسکونه لرنی هم یاردم بیرگن.

بوموسسه مسولی شگوفه آروین بوعیاللر اشتراک ایتکن دستورحقیده قویدگیچه معلومات بیردی :” بیز قشاق عیاللر قابلیت لرینی آشیریش اوچون بیرییل لیک دستورنی قول اوستیگه آلگن میز.حاضر بو دستورنی بیرینچی باسقیچی یکولندی و اونی ایککنچی باسقیچی ایسه بوپروژه آرقلی کسب وفن اورگنگن کیشی لرایشلرینی ایزلش دن عبارت دیر”.

شگوفه آروین،  “روزغاراوچون حیات”  ناملنگن بو پروژه ۲۰۱۷ میلادی ییلده باشلنگنی نی قید ایتیب حاضرگه قدر ۳۰۰ عیال گه فن و مهارت اورگتیلگنی و عیاللر ایش ایگه سی بولگنی نی تاکیدلشدی.

جوزجان ولایتی وخصوصا شبرغان شهری، فاریاب، سرپل و جوزجان نینگ بیرقطار ناتینچ تومن لریدن  قاچیب کیلگن و بو شهرگه باش پناه آلگن عایله لراوچون تینچ محل گه ایلنگن و انده سنده بیرقطار موسسه لر، بوندای پروژه لرنی یولگه قویش بیلن بو عایله لر روزغاری  یخشی راق اوتیش گه یاردم بولگن.