شاهین قول اردوسیده عیاللر بیردملیک کونی نشانلندی
شاهین قول اردوسی مسوللری، عیاللر خلق ارا بیردملیک کونی نی بلخ ولایتی عیاللرایشلراداره سی مسوللری و کوپلب عیاللر اشتراکی بیلن نشانلنگنی دن خبر بیرگن.
بو مراسم ده سوزگه چیققن فعاللر، عیالرنی اجتماعی ، سیاسی، ومدنی ساحه لردهگی اورنی و رولی حقیده به تفصیل صحبتلب اگر عیال بیرقولی بیلن بیشیک نی تیربتکن بولسه ینه بیرقولی بیلن بوتون دنیانی تیترتهآلر و عیاللری اوی پسخانه لریده یاشینگن اولکه هیچ قچان رواج و رونق گه گواه بولمیدی دیب تاکیدلشکن.
مراسم نینگ دوامیده شاهین قول اردوسی اورین باسری جنرال عباس توکلی هم عیاللرنی هربیر ساغلان اولکه تعلیم وتربیه سی نینگ پای دیواری اتب رواجلنگن و مدنیت لری یوکسلگن اولکه لر، عیاللرحیاتی وتورمیش طرزی دن ایلدیز آلگن دیدی.
توکلی جنابلری اگر بیراولکه ده عیاللر اجتماعی و سیاسی تیزیم ده اوز رولی نی یخشی اوینب و اوز حق حقوق دن باخبر بولسه، اوز مملکت لری کیله جکی نی ترقی و رواجلنیش تمان هدایت قیله دی اما عکس حالده اگر عیاللر اوز انسانی حقلریدن بی خبر بولسه لر وسواد دن محروم قالیب واجتماعی و سیاسی تیزیم لرده حصه قوشه آلمه سه لر او اولکه، رواج و رونق کاروانی دن آرقه گه قالیشی حتمی دیب ایتی.
شاهین قول اردوسی مطبوعات مسولی محمد حنیف رضایی نشانه آژانسی بیلن صحبت ده دیدی:” عیاللر خلق ارا کونی مناسبتی بیلن شاهین قول اردوسیده یولگه قویگن احتفالده پولیس ، ملی امنیت دولت ملازم لری وعیاللرحقوقی فعاللریدن قریب ۲۵۰ عیال و شونینگ دیک ملی اردونینگ ۱۰۰ کوپراق عیال خادم لری اشتراک ایتکندیلر”.
افغانستان شمالی ده فعالیت قیله یاتگان شاهین قول اردوسیده حاضرچه یورلب چه عیاللر تورلی بولیم لرده خذمت قیلماقده.