عیاللر بازاری و بدخشان ده عیاللر قول صناعتی قرشی سیده‌گی معمالر
neshananews
26 February 2020آخرکی ییل لرده عیاللر قول صناعتی دن حمایت کورستیش اوچون بیر قطار دولتی و نادولت اداره لر، قول صناعتی کورگزمه لرنی یولگه قویلیشی اوچون سعی قیلیش دن علاوه بدخشان ولایتی مرکزی فیض آّباد شهری نینگ ایککی ناحیه سیده عیاللرگه اجرتیلگن مخصوص بازار قورییلیشی ده هم ایجابی ایشلرنی بجرگن.
هرچند بو بازارلرایجاد ایتیلیشی بیلن عیاللر قول صناعتی محصولاتی بازاری قیزیق راق بولیشی کوتیلردی اما کورینیشی دن عیاللر قول صناعتی محصولاتی بازاری اونچه لیک رونق تاپمی چندان خریداری تاپه‌آلمگن.
بدخشان عیاللرایشلری بویچه ادراه سی مسوللریگه کوره عیاللر ایشلب چیقاره یاتگان محصولات لرگه ییترلیچه اعتبار قرتیلمگنی سبب بو صناعت بازاری کسادگه اوچرشکن.
بدخشان عیاللرایشلری بویچه اداره سی ریسی آلینا غیاثی دیدی:” بدخشان ده عیاللر قول صناعت محصولاتی گه اعتبارسیزلیک نی اساسی سبب لریدن بیری بو محصولات بازارطلبی گه موافق ایشلب چیقاریلمسلیگی و عنعنوی دایره ده چکلنیب قالگنی دیر”.
اونگه کوره قول صناعتی نینگ عنعنوی شکل و شمایلی بازارطلب لریگه قانعقرلی جواب بیره آلمگن و شو مساله سبب قول صناعتی بیلن شغللنه یاتگان عیال لر اوز ایاغ لری اوستیده توختته آلمگن.
بدخشان عیاللر اداره سی باشلیغی نی ایتیشیچه بدخشان لیک عیاللر آره سیده بازار طلبی گه موافق ایشله یاتگان حتی بیر دیزاینرهم یوق و شو موضوع سبب عیاللر قول صناعتی بازاری رواج رونق دن توشیب بارماقده دیدی.
بدخشان نینگ بیرقطار صناعتچی عیاللرینی ایتیشیچه اوتمیش ده قول صناعت محصولات میز،عایله میز روزغارینی اوتکزیش ده یخشی درآمد منبع سی ایدی و کوپلب عایله لر انه شو محصولات آرقلی عایله لری روزغارینی یخشیلیک ده اوتکزردیلر، اما حاضر ایسه عیاللر قول صناعت محصولاتی رونق دن توشکن و شونی اوچون عایله لر اقتصادی هم یمان راق بولگن.
بدخشانلیک عیال وحیده گه کوره ینگی محصولات وارداتی، عیاللرایشلب چیقاره‌یتگان محصولات نرخی بلند بولگنی و عیاللر قول صناعتی محصولاتی اوچون ایشانچلی بازار بولمگنی سبب بو صناعت ایندی لیکده رونق دن توشکن .
اونی معلوم قیلیشیچه هرچند که او اوز محصولاتی نی زمانوی لشتریش اوچون ایریم تشبث لرنی عملگه آشیرگن اما قیزیق بازار یوق لیگی و عیاللرقول صناعتی محصولات دن ییترلیچه حمایت بولمگنی بازارکساد بولگنی گه تاثیر یتکزگن.
وحیده، یاردم یتکزوچی ارگانلر، عیاللر قول صناعتی دن حمایت ایتیش لری کیرک بولگنی نی تاکیدلب مخصوص کورگزمه لر یولگه قویلیشی و عیاللراوچون مخصوص بازارلر ایجاد ایتیلیشی بیلن عیاللر قول صناعتی محصولاتی بازارینی قیته رواج رونق تاپیشی ممکن دیدی.
عینی حالده بدخشان ولایتی عیاللرایشلری بویچه اداره سی مسوللری، عیاللرقول صناعتی محصولاتی گه بازار تاپیش اوچون برچه امکانیت لردن فایده لنگن لیک لرینی قید ایتیب هرییلی اونلب کورگزمه لرنی عیاللر قول صناعتی نی تانیشتیریش و اونگه مناسب بازار تاپیش اوچون بدخشان و باشقه ولایت لرده یولگه قویب کیلگن لرینی تاکیدلشکن.
بدخشان ولایتی عیاللرایشلری بویچه اداره سی ریسی، بو اداره عیاللر قول صناعتی محصولاتی نی عنعنوی حالت دن چیقاریش و بازارطلبی گه موفق لشتیریش اوچون بیرقطار تعلیمی دستورلرنی قول اوستیده آلگنی دن خبر بیریب ینگی یول یوروق لر آرقلی عیاللر ایشلب چیقاره‌گان محصولات گه ایشانچلی بازار تاپیش ده سعی و حرکت باشلماقچی ایکن لیگی نی تاکیدلشدی.
بدخشان عیاللرایشلری بویچه اداره سی ریسی دیدی، بعضی عیاللر انترنت دن ینگی لایحه لر کپی قلیب عنعنوی لایحه لر اورنیده زمانوی یول یوروق لردن فایده لنیش ده اورنگن اما بو ایش نی همه عیاللر بجره آلمگن و شونی اوچون بیربو تدبیر اساسی ایچیم یول اوله راق عیاللر دقتی نی اوزیگه جلب ایتیشی لازم.
اونگه کوره عیاللر اوچون اوزاق مدتلی تعلیمی دوره لرنی یولگه قویلیشی وقول صناعتی محصولات نی ایشلب چیقاه‌یاتگان عیاللرگه تازه و زمانوی فکر لرنی اورگتیش بو معمانی برطرف ایتیش ده یگانه ایچیم یول دیر.
عینی حالده قول صناعتی بویچه فعالیت قیله‌یاتگان سهیلا هم دیدی، عیاللر، قول صناعت لری اوچون قیزیق بازار تاپه‌آلمگنی و اقتصادی جهتدن اوز ایاغ لری اوستیده توختته‌آلمگنی گه کوپ عامل لر دخلدار دیر.
اونگه کوره عیاللر اوز محصولات لرینی ایشلب چیقاریش اوچون کتته کان مبلغ صرف لیدیلر، بو محصولات نرخی بلند بولگنی اوچون بازارده مناسب مشتری تاپه‌آلمیدی .
سهیلا، اگر حکومت عیاللر قول صناعتی محصولاتی دن حمایت ایتیش اوچون بیر منتظم و انیق میکانیزم ایجاد ایتمه سه جاری وضعیت ده ایشلش قینت دیر دیدی.بدخشان ولایتی عیاللرایشلری بویچه اداره سی مسوللری اما بو اداره قول صناعتی کورگزمه لرینی یولگه قویش دن علاوه عیاللرگه اجرتیلگن ایککی علاحیده بازارنی بیرقطار نادولت اداره لرهمکارلیگی بیلن فیض آباد شهریده ایجاد ایتکنی نی تاکیدلب بوندن مقصد ایسه عیاللرقول صناعتی محصولاتی گه بازار تاپیش دیب ایتماقده.
سونگی ییل لرده، عیاللر قول صناعتی رواج رونق تاپیشی اوچون اونلب چه نادولت اداره لر بدخشان ده فعالیت قلیب اما بو محصولات نرخی بلند بولگنی و ایشلب چیقاریلگن محصولات زمانوی بولمگنی اوچون، چیت دن وارد بوله‌یاتگان اشیالربیلن رقابت قیلیش دن عاجز قالگن
