WhatsApp-Image-2019-12-30-at-6.34.18-PM1-880x550

قیزلر رویالری؛ جوزجان ده پینگ پانگ

neshananews

18 January 2020

پینگ پانک اوینی، شبرغان قیزلری آره سیده اینگ قیزیقرلی اوین گه ایلنگن.حتی که افغانستان یاش عیاللر تیرمه جماعه سی کوپراق اعضاسی شبرغان قیزلریدن تشکیل تاپگن.
جوزجان ولایتی پینگ پانگ فدراسیونی باشلیغی مشعل هاشمی نشانه خبر آژانسی بیلن صحبت ده ” جوزجان ولایتی پینگ پانگ فدراسیونی کون اوتیشی بیلن ترقی تمان یول آلگنی نی تاکیدلب حاضرچه ۳۳ عیال و قیز، بو فدراسیون دایره سیده فعالیت قلیب کیلیشی نی ایتی.

پینگ پانگ بویچه خلق ارا مربی گرچلیک حجتی گه ایگه بولگن هاشمی جنابلری جوزجان پینگ پانگ فدراسیونی فعالیت لری حقیده علاوه ایتی :” بخت گه موافق افغانستان پینگ پانگ تیرمه جماعه سی نینگ ۵۰ عضوی دن ۲۲ کیشی سی جوزجان ولایتی دن دیر و بو سپورتچی لر خصوصا عیال لربولیمی ده مملکت بویلب چمیانلیک مقامی و ایککنچی درجه نی کسب ایتیش گه موفق بولگن لر”.
هاشمی جناب لری، شبرغان ده بیز، پینگ پانگ فدراسیونی ایجاد ایتکن دستلب کی کون لرده عایله لر اوز قیزلریگه سپورت قلیش گه رخصت بیرمسدیلر، اما قیزلر پینگ پانگ ساحه سیده کوزگه کورنرلی یوتوق کسب ایتکنلریدن سونگ ، عایله لرقیزلریگه بوسپورت گه یوزکیلتیریش گه رخصت بیریب حتی اولرنی کوپراق ترغیب ایتیلر.

جوزجان ولایتی ده پینگ پانگ تاریخچه سی، روس لر بو شهرده کیلگن ییل لرگه قیته دی. اوشه ییل لرده مردم شبرغان ده بو سپورت بیلن تانیشدیلر، اما پینگ پانگ فدراسیونی رسمی روشده ۱۳۸۹ ییلی ایجاد بولدی و اوچ ییل دن سونگ شبرغان لیک قیزلر، عیاللر کیمته سینی تشکیل لشتیریب و مشق قیله باشله دیلر.

۷ ییل دن بویان پینگ پانگ اوینه‌یاتگان بصیره جوزجان ولایتی پینگ پانگ فدراسیونی اعضاسی دیر و شونینگ دیک افغانستان تیرمه جماعه سی عضویتی نی حاصل قیلگن.او نشانه خبر آژانسی بیلن صحبتده سپورتچی قیزلر رویا لری حقیده اوزفکرینی بوندای بیان ایتی :” مین هم کوپ قیزلرکبی باله لیک دن سپورت گه قیزیقدیم و بخت گه موافق یتی ییل دن بیری مشق قلیب کیلماقده من”.

حاضرگه قدرنیچه بیله شو اوچون کابل، هرات و مزارشریف شهرلریگه سفر قیلگن بصیره خانم ” بیرینچی کون لرده اوز منطقه میزده کوپ گینه معما و قیینتچلیک لربیلن یوزمه یوزایدیک و عموما اولکه میز، قیزلر سپورت قلیشی دن اونچه لیک راضی ایمسدیلر اما بونگه قره‌مسدن بیزبو معمالرگه قرشی کورشدیک و اهالی نینگ هیچقندای کنایه و سوزلری بیزنینگ یولی میزگه توسیق یرته آلمیدی” دیب ایتی.
بصیره خانم نینگ عایله لرگه پیام وسوزی شوکه، قیزلری سپورت آسمانی ده پارلش اوچون سپورت قیلیش لریگه رخصت بیریسین لر چونکه پینگ پانک عیال لراوچون اینگ مناسب سپورت بولگن .

شبرغان لیک نرگس فیض هم افغانستان نینگ یاشلر تیرمه جماعه سینی اعضاسی دیر او بوکونگی مشقی دن سونگ نشانه خبرآژانسی بیلن همصحبت بولیب اوز آرزو و رویا لری حقیده بوندای فکر بیلدیردی :” تلویزیون دن ایرکک لرنی پینگ پانگ قیلیش لرینی تماشا قیلگنیم وقتی ده بو اوین گه قیزیقدیم، منی رویام بیرکونی بو فدراسیون عضویتی حاصل قیلیش ایدی و بخت گه موافق کوپلب سعی وحرکت دن سونگ بو آرزوم گه ایریشدیم”.

خانم فیض نینگ عایله اعضاسی دن هیچ بیری سپورت بویچه فعالیت قیلمگن اما قیزلری پینگ پانگ اوینی گه قیزیقیش کورستکندن سونگ اونگه توسیق یرتمگن. خانم فیض گه کوره اونی عایله سی آرزو لریگه ایرشیشی اوچون بو توغریده اونی کوپ ترغیب ایتیب و بو یولده اوندن هردایم حمایت ایتکن.

نرگس فیض خوفسیزلیک معمالر حقیده، حاضرگه قدر هیچقندای خوفسیزلیک معما و توسیق بیلن یوزمه یوز بولمگنی نی ایتیب پینگ پانک اوینی ده موفقیت چوقی سیگه ایریشگونگه قدر کوپ رویا و آرزو لریم بار دیدی.

نرگس فیص اوز صحبتی یکونیده عایله سی و وطنداشلریدن ترغیب ایتکن لری اوچون منتدارچلیک بیلدیریب ایتی : ” قویینگلر قیزلرهم اوز آرزو لریگه ایرش سین لر”.
جوزجان ولایتی پینگ پانگ فدراسیونی معما وقیینتچلیک لردن بوش ایمس، خصوصا بو سپورت گه کیرک بولگن امکانیت لرجهتی دن کمچیلیگی کوپ.مثال اوله راق بو فدراسیون نی بیر کیچیک سالنی و پینگ پانگ نینگ فقط تورت میزی بار.عینی دمده شبرغان بازاریده پینگ پانگ اوینی گه ضرورت بولگن اسباب اسکونه یوق لیگی بو سپورتچی لر قرشی سیده تورگن معمالر جمله سیدن دیر.