هرات ده سنت و مدرنیته تارتیشوی/ عیاللر کورش گه توره‌می؟
neshananews
16 January 2020- هرات ده سنت و مدرنتیه قره‌مه قرشیلیگی باره باره بیرجدی مقابله گه ایلنماقده.کورینیشی دن بو تارتیشو اوتیش دوریدن اوتیب و ینگی باسقیچ ده کیرماقده و اگر بیران حساب کتاب بولمگن کیچیک گینه حرکت یوزگه بیرسه جدی تارتیشو گه ایلنیشی کوتیلماقده.
آخیرگی ییل لرده افراطگرچلیک اوچون مناسب زمینه گه ایلنگن هرات، سونگی هفته لرده مدنی فعال لر،عیاللر و انسان حق لری فعال لرگه جدی خواتیرلر توغدیرگن.
مولوی مجیب الرحمن انصاری باشچیلیگی ده دیمک شرعیت گه ضد بولگن عنعنه وعادت لرگه قرشی کورش اوچون ینگی کوچ تشکیل ایتیلگنی دن توتیب وگازرگاه منطقه سیده ” امر به معروف و نهی از منکر” ناملنگن مرکز تشکیل لشتیریشی بو خواتیرلر جمله سیدن دیر.
اما سونگی کون لرده حجاب سیزلیکه قرشی و ایرکک لرنی غیرتی عیال لری نینگ حجابی گه باغلیق ایکنی مضمونی بیلن یازیلیب و شهرخیابان لریده اوزنتیلگن بیلبوردلر، هرات لیک عیاللرنی جدی اعتراض لرگه اونده‌گن.
خواجه عبدالله انصاری زیارتگاهی خیابانیده اورنتیلگن بو بیلبوردلردن بیریده “عیاللرنی حجاب سیزلیگی، ایرکک لرنی غیرت سیزلیگی دن دیر” مضمون یازیلیب و بو طریقه آرقلی بو ماجرا ده ایرکک لر ایاغی هم تارتیلگن.
اجتماعی ترماق لر اشتراکچی لری نی مناسبتی
مجازی ترماق لرده ضیایی اشتراکچی لریدن کتته قسمی نی نظریدن گازرگاه منطقه سیده ” امر به معروف و نهی از منکر”ناملنگن بیرناقانونی مرکزنی تشکیل لنگنی، هرات ده طالبان دوری ده‌گی چیکلولرنی قیته حاکم قلیش معنا سینی انگلتماقده.
عیاللرحق حقوقلریدن حمایته ایتوچی فعال مرضیه رها اوز فیسبوک صحیفه سیده یازگن، بوندای حرکتلرنی دوام تاپیشی، عیاللرگه قرشی بولگن مدنیت وعنعنه لرنی قیته تیک لنیشی گه سبب بوله‌دی.
اونی یازیشیچه عیاللر حجابی نی ایرکک لرغیرتی گه تاقیش طریقه سیدن فایده لنیش در حقیقت ایرکک لرنی عیاللر مقابلی گه توختتیش نی انگلته‌دی.
اما بو آره ده بیرقطار یاش هرات لیک قیزلراجتماعی ترماق لرده بوندای فکر و حرکت گه قرشی مدنی اعتراض نی یولگه قویب شهرده اورنتیلگن بیلبوردلرگه قرشی عملی مناسبت کورستیلیشی نی طلب ایتکن لر.
سمیه بهبودی، بو بیلبوردلرگه قرشی اعتراض کورستیش اوچون بیرقطارعیال وفعاللر بیلن علاقه قوریب چادرسیز( باش آچیق ) بیر ناراضلیک نمایش اوتکزیش نی ایستگنی نی فیسبوک ده یازیب لیکن اکثرعیاللر بو ناراضلیک نمایش گه قتنشمس لیک لرینی ایتکن.
ایرکک لر اعتراضچی عیاللر بیلن یولداش
هرچند هرات یشوچی لریدن کتته قسمی هرات ده افراطگرچلیک فکر و اندیشه لر کینگ طرزده ترقگنی سببی نی اهالی و دولت مسوللرینی سکوت سخله‌گنی گه تیگیشلی بیله‌دیلر اما بو، یوزگه چیققن ماجرانی ایککی تمانی نی سعی وحرکتلری توختلیب قالگنی نی انگلتمیدی.
بیرقطار هرات لیک ایرکک لر شهرده اورنتیلگن بیلبوردلر و” امر و به معروف و نهی از منکر” ناملی اداره تشکیل ایتلگنی نی باشدن کیچیرگن طالبان حاکمیتی دوریگه قیتیش اوچون قصدی سعی وحرکت باشلنگنی دیب تعبیر قیلماقده لر.
هرات عالی اوقویورتی استادی علی احمد کاوه فیسبوک صحیفه سیده یازگن، بو حرکتلر شوییرده یکونلنمیدی بلکه بوحرکت نی یولگه قویگن و رواج بیره‌یاتگان کیشی لر، شو طریقه گه اساسلنتیریلگن جماعه نی رهبرلیک قیلیش نیتی ده دیرلر.
هرات یشوچی سی فرهاد مجیدی هم فیسبوک صحیفه سیده بوگروه لرتمانیدن بوندای شعارلربیرخیل آرقه گه چیکینیش و اوزگریش برابریده قرشی لیک کورستیش دیر دیب یازگن.
او، حاضرگی عصر، جنسیتی تینگلیک عصری دیر و آدم لرنینگ هربیر حرکتی، اولرنینگ یخشی لیک یا یمان لیک لریدن دلالت بیره‌دی دیب تاکیدلشکن.
مولوی انصاری حرکتلری بیلن یولداشلیک
هرات ده سنت و مدرنیته تارتیشوی نینگ ایککی تمانی هم اوز اطرافیده جدی یولداش لرنی جمعلشکن.بو یولداش لردن هر بیری اوز فکر و اندیشه لریدن جدی مدافعه ایتماقده لر. 
هرات عالی اوقویورتی استادی فضل الرحمن فقیهی دیمک حجاب رعایه ایتیلیشی ده بولگن دعوت گه نسبتا، اخبارات واسطه لرنی سل بی تبلیغات قلیش گه عیب لب هرات اهالی سیدن اکثریتی حجاب طرفدارلری دیرو حجاب اوچون بولگن تبلیغ افراطگرچلیک ایمس بلکه بیر شرعی مسولیت و ظیفه بولگنی نی اورغولشکن.
عینی دمده دین ساحه سی تحقیقاتچی سی کبیر صالحی هرچند بیلبوردلرده یازیلگن مضمون بیلن موافق ایمس من دیدی اما سوز ایرکین لیگی گه حرمت قویش کیرک بولگنی نی تاکیدلشکن.
اونگه کوره بوندای بیلبورد لرنی شهرده اورنتیلیشی، اونی مسول لرینی حقی دیر. او بو فکرنینگ مخالف لری هم اوز فکر و اندیشه لریگه اساسا شندای بیلبوردلرنی شهرده اورنتیش گه حق لری باردیب فکر بیلدیرگن.بو توغریده هرات محلی رسمی لری مناسبتی نی اورگنیش گه بار بار سعی و حرکت میز نتیجه سیز قالدی اما کورینیشیدن محلی دولت رسمی لری بو ماجرا بویچه سوال لرگه جواب بیریش دن باش تارتیشماقده.
بونگه علاوه مدنی جمغرمه لر و عیاللر حق حقوق لریدن حمایته ایتوچی ارگانلرحاضرگه قدر اجتماعی ترماق لرده بو حرکت و اندیشه نی مسخره قلیش دن باشقه بیران مناسبت کورستمگن لر.
کورینیشی دن هرات ضیایی لری آره سیده بوندای موضوع لرگه نسبتا قندای بیرهمفکر لیک بولمگنی سبب، افراطی گروه لر کون اوتیشی بیلن اوز اندیشه و فکرلرنی رواجلنتیریش اوچون میدان نی بوش کوریب فعالیت لرینی آشیرماقده لر.
