آقچه تومني ده توقنشو؛ ملي اردوني١٢ عسكر و طالبان نينگ بيش جنگچي اولديريلدي
neshananews
17 June 2020جوزجان ولايتي امنيتي مسوللري آقچه اولسوال ليگي ده اردو قوتلري قرارگاهيگه قرشي طالبان هجومي دن خبر بيرگن. بو توقنشوده اردونينگ ١٢ عسكري و طالبان نينگ بيش جنگچي سي اولديريلگن.
جوزجان ولايت حاكمي سوزچيسي عبدالمعروف آذر نشانه خبر آژانسي بيلن صحبت ده ديدي طالبان گروهي جنگچي لريدن بير گروه بوكون (چهارشنبه٢٨ جوزا) تانگ ايرته لب ساعت اوچ ده آقچه تومني ني بالاحصار منطقه سيده اردو قوتلري قرارگاهي گه هجوم اويشتيرگن. اوني معلوم قيليشيچه ايكي تمان ارا يوز بيرگن توقنشوده اردونينگ ١٢ عسكر اولديرليب ٥ عسكر ياره لنيب و ٤ عسكرهم طالبان قوليده اسير توشكن.بو توقنشوده اردونينگ ايككي تانكي نابود بولگن و بير تانك هم طالبان قوليگه توشكن.
جوزجان ولايت حاكمي سوزچيسي بو توقنشوده طالبان گروهي نينگ بير محلي قومانداني داخل بيش جنگچي سي هلاك و ١٠ جنگچي سي ياره لنگن دي.
بالاحصار قرار گاهي ملي اردونينگ آقچه تومني ده مهم قرارگاهي ايدي. بو قرارگاه جوزجان ولايتي نينگ بيش تومني خوفسيزليگي ني تامينلش مسوليتي گه ايگه ايدي. اوتكن ييلي هم بو قرارگاه آغير توقنشودن سونگ طالبان تظارتي گه اوتكندي، اما اردو قوتلري قيته اوني اوز كنترول لري آستيده كيرتيلر.
