اردو هوا قوتلری طالبان‌نینگ جوزجان‌ده‌گی قرارگاه‌لریگه هجوم اویشتیرگن
neshananews
24 July 2021مملکت شِمالیده‌گی ۲۰۹ شاهین قول‌اردوسی جوزجان ولایتی مرکزی شبرغان‌ده طالبان موقع‌لریگه قیلینگن ایککی هوا هجومیده ۱۹ طالب جنگچیی اۉلدیریلدی و ینه ۱۵ نفری یاره‌لندی.
شاهین قول اردوسی بوگون (شنبه ۲ اسد) نشرایتکن خبرنامه‌سیده، اوشبو هجوملر کېچه کېچقرون حسن تابین و مُرغاب قیشلاقلریده صادر بۉلگنلیگینی یازگن. شاهین قول اردوسې خبرنامه‌سیگه کۉره، کېچه‌‌بولیب اوتکن هوا هجوملریده طالبان‌نینگ ایککی یشیرین جای، بیر قطار ترانسپورت واسطه‌لری و بعضی اۉق-داریلرلری یۉق قیلیندی.
عینِ پیتده، اۉن کون دن بویان، اردو قوتلری‌نینگ حسن تابین، مُرغاب و کوک‌گنبد قیشلاقلریده‌گی طالبان قرارگاه‌لریگه قرشی هجوملری دوام ایتماقده.. اوشبو قیشلاقلر جوزجان ولایتی مرکزی شبرغان شهری اطرافیده جایلشگن.
سۉنگگی اۉن کون ایچیده منطقه‌ده خوفسیزلیک کوچلری و طالبان جنگچیلری اۉرته‌سیده وقتی-وقتی بیلن جنگلر کوزتیلگن.
