جمهورريس ليك سرايي گه کوره طالبان تمانیدن آخرکی وقت لرده زوروانلیک لر کوپیشی، مملکت ده دایمی تینچلیک وبرقرارلیک تامین لنشی اوچون مردم و جهان جماعه سی امیدی گه فطور یتکزه‌دی.

جمهوریس سوزچیسی صدیق صدیقی بوکون ( یکشنبه ۲۲ سرطان ) تویترصحیفه سیده یازگن:« شهرلر و امنیتی و دفاعی قوتلرگه قرشی طالبان گروهی نینگ هجوملری کوپیگنی، عادی اهالی حیاتیگه ضامن بوله یاتکان یول چکه سیده جایلشتیریله یاتکان ماین لرپارتلشی و دولت ایشچی لرینی نشان گه توتیش، مردم و جهان جماعه سی امید وایشانچی نی صلح مذاکره لر باشلنیشی ده فطور یتکرشی ممکن.» صدیقی جنابلری تاکیدلشکن حاضرطالبان اوروش دن قول تارتییب و حقیقی روشده ده تینچلیک مذاکره لری پروسه سیده قوشیلیش لری وقتی یتیب کیلگن.

عینی دمده افغانستان ملی خوفسیزلیک کینگاشی غزنی ولایتی ده عالی اهالی اولدیریلگنی گه مناسبت کورستیب ایتکن طالبان گروهی مملکت نی تورلی منطقه لریده زوروانلیک لرنی کوپیتیرگن و طالبان نینگ بو حرکتی صلح مذاکره لری باشلنیشی گه « خلل یتکزیب وبوپروسه نی قینت » لشتیرگن.

کورینیشی دن سونگی وقت لرده طالبان تمانیدن اوروش و زوروانلیک لر کوپیگن. غزنی ولایت حاکمی مطبوعات بولیمی ینگی و اینگ سونگی معلوماتی گه کوره اوتکن کونی بوولایت نینگ جغتو تومنی ده عادی اهالی نقلیه واسطه سی طالبان تمانیدن یول چکه سیده جایلشتیریلگن ماین بیلن دوچ کلیب وبو پارتلش نتیجه سیده باله لرداخل آلتی عادی اهالی اولدیریلیب و سکیزکیشی جراحت لندی .