بوكون ايرته لب افغانستان و اوزبيكستان ارا حيرتان چيگره سي، اوزبيكستان تمانيدن مسافرلر باردي كيلدي سي يوزيده ياپيلدي.

بلخ ولايت حاكمي سوزلوچي سي منيرفرهادبو خبرني تصديقلب نشانه خبر آژانسي بيلن صحبت ده ديدي:” يتيب كيلگن خبرلرگه كوره اوزبيكستان و افغانستان ارا قوشمه چيگره اوزبيكستان تمانيدن كرونا ويروسي ترقليشي آلديني آليش مقصدي بيلن ياپيلگن، اما قچان قيته آچيليشي حاضرگه قدر معلوم ايمس.

افغانستان ده كرونا ويروسي بير مثبي واقعه سي رويخط ده آلينگدن سونگ اوزبيكستان حيرتان چيگره ياپيليشي گه قرار آلگن.

حيرتان بندري دن بير منبع ني ايتيشچه اوزبيكستان تماني بيرينچي دن چيگره ني برچه باردي كيلديلر يوزيده ياپكندي اما افغانستان تماني سعي و حركتي باعث اوزبيكستان گه سفرقيلگن افغانلرني اولكه لريگه قيتيب كيليش لري اوچون چيگره آچيلدي.

بلخ ولايتي شماليده جايلشكن حيرتان شهرچه سي افغانستان و اوزبيكستان ارا چيگره وي بندر دير و هركوني ايككي قوشني مملكت ارا يوزلب كيشي سفريگه گواه دير.