افغانستان تشقی ایشلروزیرلیگی نی اعلان قیلشیچه افغانستان و ترکمنستان تشقی ایشلروزیرلری یغینی تمل پروژه لر و منطقه ای باغلنیش موضوع سی بیلن هرات ده اوتکزیلماقچی.

تشقی ایشلروزیرلیگی بوکون ( شنبه۱۵ جوزا) بیرخبرنامه نشرایتیب ایککی مملکت سکتوری اداره لری باشلیغ لری بو یغینی ده اشتراک ایتماقچیلر. خبرنامه گه کوره افغانستان و ترکمنستان تشقی ایشلروزیرلری یغینی بوکون وایرته هم دوام ایتماقده.

تشقی ایشلروزیرلیگی خبرنامه سیده افغانستان تشقی ایشلروزیری محمد حنیف اتمر و ترکمنستان تشقی ایشلروزیری رشیدمردوف بو یغین نی باشقره‌دیلر.

خبرنامه گه کوره ایککی مملکت ارا مهم تمل پروژه لر، منطقه ای باغلنیش و انرژی انتقالی و شونینگ دیک تاپی پروژه سی موضوع سی هم بو ایککی کونلیک یغین ده کوریب چقیلیب و اونی باره سیده بحث بوله دی.

ترکمنستان مرکزی آسیا منطقه سیده طبیعی گاز و برق انرژی سی صادر قیلوچی ییریک مملکت دیر. بو مملکت نینگ طبیعی گار و برق انرژی سی افغانستان توپراقی آرقلی جنوبی آسیا مملکتلرگه صادر بولماقچی.