اقچه اولسوال لیگی ده طالبان هجومی اثریدن ۷ عسکر اولدیریلدی
جوزجان ولایتی امنیتی قوتلری نینگ بیرقرارگاهی گه قرشی طالبان تمانیدن اویشتیریلگن هجوم عاقبتیده ۷ عسکر اولدیریلدی.
جوزجان ولایتی آقچه تومن حاکمی غلام سخی سبحانی گه کوره اوتکن کیچه ( یکشنبه ۳۱حمل) طالبان جنگچی لری بو السوال لیگ نی « جبارشهید» منطقه سیدهگی امنیتی پوسته سیگه قرشی هجوم اویشتیریب امنیتی قوتلر و طالبان جنگچی لری ارا یوزبیرگن توقنشو عاقبتیده امنیتی قوتلردن ۷ عسکر اولدیریلیب و ۷ عسکرهم جراحت کورگن.
آقچه تومنی نینگ جبارشهید قشلاقیده امنیتی قوتلرنینگ اینگ مهم قرارگاه سی جایلشکن.طالبان جنگچی لری بار بار بو پوسته نی باسیب آلیشی مقصدی بیلن کتته هجوم لرنی یولگه قویب کیلگن. سبحانی جنابلرینی ایتشیچه بو توقنشو نتیجه سیده طالبان جنگچی لریگه هم آغیر تلفات یتکزیلگن اما تلفات رقمی دن معلومات بیرمدی.
عینی حالده امنیتی قوتلراوتکن کیچه جوزجان ولایتی نینگ خمآب و قرقین تومنلری نینگ بیرقطار قشلاقلریده ایککی علاحیده عملیات یولگه قویب بیرقطار قشلاق لرنی طالبان دن تازهلشگنی دن خبر بیرگن.
جوزجان ولایتی امنیه قوماندانی عبدالواحد وجدان نشانه خبرآژانسی بیلن صحبت ده، بوعملیات لر نتیجه سیده طالبان جنگچی لری قرقین و خماب تومن لریدن، آقچه اولسوال لیگی حدودیگه قاچیب کیتکنی نی ایتکن.