امريكا تشقي ايشلر وزيري، افغانستان دولتي و طالبان گروهي نينگ مذاكره قيلوچي هياتلري بيلن قطرده اوچرشماقچي
neshananews
21 November 2020فرانسه خبر آژانسي، امريكا تشقي ايشلر وزيري مايك پومپيو افغانستان دولتي و طالبان گروهي نينگ مذاكره قيلوچي هياتلري بيلن قطرده اوچرشماقچي ايكني دن خبر بيرگن.
بو خبر آژانسي بوكون ايرته لب( شنبه بيرينچي قوس) امريكا تشقي ايشلر وزيرليگي دن نقل قيليب يازگن امريكا تشقي ايشلر وزيرليگي مايك پومپيو جنابلري بوكون توش قطره باريب و افغانستان دولتي و طالبان گروهي نينگ مذاكره قيلوچي هياتلري بيلن علاحيده اوچرشيب صحبت قيلماقچي.
بو راپورگه كوره افغانستان دولتي و طالبان گروهي مذاكره قيلوچي هياتلري ارا جاري صحبتلرني تيزلشتيريش پومپيوجنابلريني بو سفر مقصدي بولگن.
افغانستان جمهور رييسي محمد اشرف غني تازه ليك ده افغانستان دولتي و طالبان گروهي مذاكره قيلوچي هياتلري سوزلشولري نتيجه سيدن ناراض ليگي بيلديردي. غني جنابلري اوتكن كوني شام بيرلشكن ملت لر تشكيلاتي خوفسيزليك كينگاشي ني افغانستان بويچه مخصوص يغينده سوزلشيب دوحه مذاكره لري دقت گه سزاوار يوتوق گه ايريشمگن ديب ايتكن.
افغانستان نينگ قطر ده دوام ايته ياتكان تينچليك آقيمي دن باخبر منبع لر، ايككي تمان، مذاكره لر ايش دستوريني يكونلنتيريش اوچون يقين راق بولگن ديب فكر بيلديرگنلر. بو ايش دستوريني صادر قيليش اوچون صحبت و سوزلشولر ايككي آي دن بيري قطر پايتختي دوحه ده طالبان و افغانستان دولتي نماينده لري ارا دوام ايتماقده اما حاضرگه قدر طالبان گروهي و افغانستان دولتي بو باره ده بيران رسمي معلومات نشر ايتمگن.
