هرات ولایتی امنیه قوماندانلیگی جاری شمسی ییل نینگ اوتکن ایککی آیی ده تروریستی و تورلی جنایی جرم لرگه دخلداربولگن ۴۵۱ کیشی قولگه آلینگنی دن خبر بیرگن.

هرات پولیس باشلیغی عبیدالله نورزی بوکون ( شنبه ۳ جوزا) بیرخبری یغین ده دیدی بو شخص لرتورلی جرم لر جمله دن قوراللی اوغیرلیک، تروریستی گروه لرعضویتی، قتل، آدم اوغیرلش و مخدره ماده لر قاچاقی عیبلوی بیلن قولگه آلینگن لر. اونگه کوره بو شخص لرنزدیدن یوزدن کوپراق قورال و اسلحه هم امنیتی قوتلر قولیگه توشکن.

هرات امنیه قوماندانی، اوتکن ایککی آی جریانیده پولیس قوتلری ۲۳ مخصوص عملیات نی هرات ولایتی نینگ ۱۱ اولسوالیگی ده یولگه قویب طالبان گروهی و بو گروه گه تیگیش لی بولگن ترماق لرگه آغیر ضربه یتکزیش گه موفق بولگن دیدی. نورزی جنابلری علاوه ایتی بو ۲۳ عملیات نتیجه سیده دولت مخالف قوتلریدن ۸۲ جنگچی اولدیدیریلگن و ۷۵ جنگچی هم یاره لنگن. بونگه قوشیمچه شو ایککی آی مدتیده طالبان گروهی ننیگ ۳۰ جنگچی سی هم قولگه آلینگن.

  باشقه تماندن هرات پولیس باشلیغی ، بو قوتلر مخدره ماده لرگه قرشی کورش ده هم ییریک یوتوق لرکسب ایتیش گه موفق بولگنی دن خبر بیردی. اونی معلوم قیلیشیچه اوتکن ایککی آی جریانیده ۲۴۶ کیلوگرام تورلی خیل مخدره ماده لرکشف ایتیلیب و ۴۳ قاچاقچی هم قولگه آلینگن. نورزی جنابلری قولگه آلینگن لردن ۱۵ کیشی سی هرات ولایتیده فعالیت قیله یاتکان اینگ مشهور قاچاقچی لربولگنی نی علاحیده تاکیدلشدی.

 هرات پولیسی اوتکن ایککی آی جریانیده قولگه کیریتکن بویوتوق لرینی اوندای بیرحالده اعلان ایتدی که سونگی کونلرده هرات شهری و بیرقطار تومن لریده جنایی جرم لرو قوراللی اوغیرلیک لرآرتکن.هرات امنیه قوماندانی بو وضعیت نی تصدیق لب اما بو جرم لرآلدینی آلیش اوچون پولیس تمانیدن جدی سعی وحرکت لر دوام ایتیب باریشی نی تاکیدلشکن.