افغانستان عامه ساغلیک وزیرلیگی مسوللری، اوتکن ۲۴ ساعت مدتی ده مملکت ده کرونا ویروسی نی یوقتیرگن ۵۳۱ مثبت واقعه رویخطده آلینگنی دن خبر بیرگن لر. بو مثبت واقعه لررویخط ده آلینگنی بیلن بوتون مملکت ده بو ویروس گه چلینگن لر سانی ۸۶۷۶ کیشی گه کوپیدی.
عامه ساغلیک وزیرلیگی صحی خذمت لراورین باسری وحیدمجروح بوکون( پنجشنبه ۱ جوزا) بیرخبری یغین ده اشتراک ایتیب دیدی اوتکن ۲۴ ساعت جریانیده کابل ده ۲۷۴ کیشی ، هرات ده ۶۹ کیشی، بلخ ده ۵۵ کیشی ، ننگرهارده ۳۵ کیشی ، میدان وردک ده ۲۶ کیشی،سرپل ده ۱۵ کیشی، پروان ده ۱۳ کیشی، پکتیکا ده ۱۲ کیشی، خوست ده ۱۲ کیشی و پکتیا ده ۷ کیشی کرونا ویروسی نی یوقتیرگن. او شونینگ دیک لغمان ده ۵ کیشی ، فاریاب ده ۳ کیشی ، جوزجان و فراه ده ۲ ـ ۲ کیشی وبادغیس ده هم ۱ کیشی بو ویروس گه چیلینگن دیدی.
مجروح جنابلری اوتکن ۲۴ ساعت دوامیده کرونا ویروسی نی یوقتیرگن ۶ بیمارهم اوزجانی نی قولدن بیرگنی دن خبربیریب ۸ بیمارهم ساغلگن دیدی. مملکت ده کرونا ویروسی سبب بوتون مملکت ده اوزجان لرینی قول دن بیرگن لرسانی توپلم ۱۹۳ کیشی گه کوپیدی و شونینگ دیک ساغلگن کیشی لر رقمی هم ۹۳۸ کیشی گه یتکن.