وزارت-امور-داخله (1)

ايچكي ايشلر وزيرليگي: اوتكن ٢٤ ساعتده طالبان نينگ ٢٩ جنگچي سي امنيتي قوتلر بيلن توقنشوده اولديريلدي

neshananews

01 July 2020

ايچكي ايشلروزيرليگي ني اعلام قيليشيچه اوتكن ٢٤ ساعتده طالبان ٢٩ جنگچي سي تورت ولايت ده امنيتي قوتلر بيلن توقنشوده اولديريلگن. بو لرآره سيده قندهارولايتي نينگ معروف تومني اورين باسري تعيلنگن ” ملاعياض” هم داخل دير.

ايچكي ايشلر وزيرليگي بوكون( چهارشنبه ١١ سرطان” نشرايتكن خبرنامه سيده، اوتكن ٢٤ ساعتده طالبان جنگچي لري خوست، قندهار، زابل و فارياب ولايتلرييده امنيتي قوتلر قرارگاه لريگه قرشي هجوم اويشتيرگني ني ايتيب، ايككي تمان ارا يوزبيرگن توقنشوده طالبان گروهي نينگ قندهار ولايتي معروف تومني حاكمي اورين باسري تعينلنگن “ملا عياض” داخل بوگروه نينگ ٢٩ جنگچي سي اولديريلگني ني تاكيدلشكن.

بو توقنشولر خوست ولايتي موساخيل، قندهارولايتي ني معروف، فارياب ولايتي قيصار و زابل ولايتي مركزي قلات شهري اطرافيده يوزبيريب و اوني نتيجه سيده طالبان گروهي نينگ بيرمقدار قورال يراقي و و نيجه نقليه واسطه سي امنيتي قوتلر قوليگه توشكن.

طالبان گروهي نينگ امنيتي قوتلر قرارگاه لريگه قرشي هجومي اونداي بيرحالده كوپيگن كه حكومت كيله سي ميلادي آي ده افغانلر ارا مذاكره لر باشلنيشي دن خبربيرگن.هرچند حكومت بوندن آلدين هم بو مذاكره لر باشلنيشي اوچون تيارگرليكي ني اعلان ايتكندي اما طالبان گروهي بيش مينگ محبوس ميز افغانستان دولتي قماقخانه لريدن قويب يوباريلمسه دولت نينگ مذاكره قيلوچي هياتي بيلن بير ميز اوستيده اولتيريب مذاكره قيلمي ميز ديب ايتكن.

باشقه تماندن امريكاني افغانستان تينچليكي اوچون مخصوص نماينده سي زلمي خليل زادصلح بويچه دخلدار بولگن منطقه مملكتلري حمايتلريني جلب ايتيش اوچون قطر، پاكستان و اوزبيكستان مملكتلريگه ينگي دوره سفريني باشلگن.