ايچكي ايشلر وزيرليگي ني اعلان قيليشيچه طالبان گروهي اوتكن بير هفته جريانيده عادي اهالي دن ٦٧ كيشي ني اولديريب و ١٧٩ كيشي ني هم ياره لنتيرگن.

بو وزيرليك سوزچيسي طارق آرين بوكون ( شنبه ٨ سنبله) توييترصحيفه سيده بو رقملرني نشر ايتيب يازگن طالبان اوتكن بير هفته جريانيده ٤٤٦ هجوم ني ريجه لشتيريب عملي قيلگن.اونگه كوره طالبان گروهي ٢٧ ولايت ده و همه دن كوپراق بلخ ولايتي ده اوروش جنابت لريگه قول اورگن.مملكت ده زوروانليك لر سطحي اونداي بيرحالده كون اوتيشي بيلن آرتيب بارماقده كه افغانستان دولتي و طالبان گروهي ارا صلح مذاكره لري يقين كونلرده باشلنيشي كوتيلماقده.

ملي مصالحه عالي كنيگاشي ريسي عبدالله عبدالله بو مذاكره ار جاري هفته ده باشلنيشي احتمالي ني اعلان ايتكن. اما طالبان گروهي ايسه بوگروه محبوسلري قويب يوباريليشي يونليشي تمام بولمگني سبب افغانلر ارا مذاكره باشلن مگن ديب ايتكن.