بدخشان ده تانيلمگن قوراللي لر ايككي ياش ييگت ني آتيب اولديرگن
neshananews
20 October 2020بدخشان ولايتي امنيتي مسوللريگه كوره تانيلمگن قوراللي شخصلر بو ولايت نينگ ارغنج خواه تومني نينگ شيوه منطقه سيده ايككي ياش ييگيت ني قتل قيلگن.
بدخشان پوليسي سوزچيسي ثنالله روحاني، ١٨ و ٢٠ ياشده بولگن بو ايككي ياش اوتكن كوني ( دوشنبه ٢٨ ميزان) اولديريلگن ديب ايتكن. روحاني جنابلري بو ايككي ياش جسدلري ارغنج خواه تومني ني ” دوآب شيوه” قشلاقي دن تاپيلگني دن خبر بيرگن. اونگه كوره بو ايككي ياش قاتل لري منطقه ني ترك ايتكن اما امنيتي مسووللر قيديرور عمليات ني باشله گن.
بدخشان امنيتي مسووللري بو ايككي ياش ييگيت مكتب اوقوچيلري بولگني ني ايتيب حاضر گه قدر بو قتل سببي معلوم بولمگن ديگن. روحاني جنابلري پوليس بو واقعه عامللريني قولگه آلنيشي و قانون چنگاليگه تاپشيريليشي دن ايشانچ بيلديرگن.
