بدخشان ولایت کینگاشی اعضالری و امنیتی مسوللریگه کوره امنیتی قوت لرجرم اولسوال لیگی نی قول دن بیرگن منطقه لرنی قیته آلیش اوچون یولگه قویلگن حربی عملیاتلری نتیجه سیده، امنیتی قوتلر و طالبان گروهی جنگچی لریگه تلفات یتکزیلگن.

 بدخشان ولایت کینگاشی اعضاسی احمد جاوید مجددی اوتکن کونی ( چهارشنبه ۱۰ ثور) طالبان وامنیتی قوت لر ارا جرم تومنی نینگ« آب راغک » و « فرغامیرو» قشلاق لریده یوز بیرگن توقنشو نتیجه سیده امنیتی قوتلردن بیش کیشی اولدیریلیب و ۱۵ کیشی تن جراحتی آلگن دیدی. مجددی جنابلری عینی دمده طالبان گروهی هم کوپ تلفات کورگنی نی اورته قویب اما اوروش هلی هم منطقه ده دوام ایتیب باریش سبب حاضرگه قدر انیق معلومات یتیب کیلمگن دیدی.

 عینی حالده بدخشان ولایتی جرم تومنی محلی پولیس قوماندان لریدن بیری عبدالرزاق، بو توقنشوده امنیتی قوتلرگه یتکزیلگن تلفات نی تصدیق لب دیدی:« بیرتاجیکستان لیک جنگچی داخل طالبان گروهی نینک بیش جنگچی سی بو توقنشوده هلاک بولگن.» بو محلی قوماندان علاوه ایتی:« امنیتی قوتلردن هوایی حمایت یخشی لیکده بولمه دی و شو موضوع سبب امنیتی قوتلر تکتیکی روشده آرقه گه چیکینیش گه مجبور بولیب طالبان هجومی شدتی دن تلفات کوردیلر.»

 جرم، بدخشان ولایتی نینگ ناتینچ اولسوال لیگ لریدن بیری دیر. محل یشوچی لری بو تومن توپراقی دن ۵۰ فایزی طالبان نظارتی آستیده ایکنی نی ایتماقده لر. بو اولسوال لیک نی خستک منطقه سیده طالبان گروهی نینگ اینگه مهم قرارگاهی اورین آلگن.