بغلان ده توقنشو؛ نهرين تومنيده طالبان نينگ ٨جنگچي سي اولديريليب و ٧جنگچي هم ياره لنگن
neshananews
21 June 2020بغلان ولايتي امنيتي مسوللري بو ولايت نينگ نهرين تومنيده طالبان نينگ ١٥ جنگچي سي هلاك و ياره لنگني دن خبر بيرگن.
بغلان پوليسي سوزچيسي احمدجاويد بشارت ديدي طالبان نينگ بيرگروه جنگچي لري اوتكن كيچه ساعت بيردن ايرته لب ساعت تورت گه قدر نهرين تومني امنيتي پوسته لريگه هجوم اويشتيردي و امنيتي قوتلر مقاومتي سبب هجومچي لر آرقه گه چيكنيش گه مجبور بولدي.
بغلان پوليسي سوزچيسي علاوه ايتي بو توقنشو عاقبتيده طالبان نينگ ٨ جنگچي سي هلاك و ٧ جنگچي سي هم ياره لنگن.
بشارت جنابلريگه كوره توقنشوده ملي پوليس قوتلريدن ايككي كيشي اوزجاني ني قولدن بيرگن و تورت ملي و محلي پوليس هم ياره لنگن. بونگه علاوه توقنشوده محل يشوچي لري و دوكاندارلريگه خساره يتكزيلگن اما عادي اهالي كه قنداي صرر زيان يتكزيلمگن.
