بغلان ده مخدره ماده لر قاچاقچي لري حبس ده آليندي
neshananews
25 January 2020بغلان پوليسي تورت يريم كيلو هيرويين قاچاقي عيبلوي بيلن ايككي كيشي توتقين ده آلينگنيدن خبر بيرگن.
بغلان پوليسي سوزلوچي سي احمد جاويد بشارت ني ايتيشيچه بغلان امنيه قوماندان ليگي مخدره ماده لرگه قرشي كورش اداره سي تورت يريم كيلوگرام هيرويين ني قاچاق قيليش جريانيده توتقين ده آلگن.
بدخشان ده يوكلنگن بو ماده لر ” هينو ” توردن بولگن بير نقليه واسطه ده جايلشتيريليب كابل انتقال بيريلماقچي ايكن.
بغلان ولايتي، شمالشرق و شمالي ولايت لرني پايتخت كابل بيلن باغلوچي ولايت گه قرگنده مخدره ماده لر قاچاقچي لري بو شاه يولدن فايده لنه ديلر.
بشارت جنابلريگه كوره “بغلان ولايتي حدوديدن دايم مخدره ماده لر و قاچاقچي لرني قولگه آلينيشي بغلان پوليسي مخدره ماده لرگه قرشي كورش اداره سي خادم لري نينگ مسلكي قابليت لري آشگنيدن دلالت بيره دي”.
