تخارولايتي امنيتي مسوللري، چاه آب تومني ني ” صفاكان” قشلاقي نينگ خيزيش مردمي قوتلر پوسته سيگه قرشي طالبان جنگچي لري اويشتيرگن هجومي آرتيدن بوقوتلردن اون كيشي اولديريلگني دن خبر بيرگن.

تخار پوليسي سوزچي سي خليل اسيرگه كوره طالبان جنگچي لري اوتكن كيچه ( شنبه ٣١ جوزا )ساعت ١٠ ده بو تومن امتيتي پوسته سيگه هجوم اويشتيريب نيچه ساعتلي توقنشو نتيجه سيده ايككي تمانگه تلفات يتكزيلگن .

اونگه كوره بو توقنشوده مردمي قوتلردن اون كيشي اولديرليب و ايككي نفرهم ياره لنگن. حاضر بو ساحه امنيتي قوتلر نظارتي آستيده دير.

تخارولايتي امنيتي مسوللريني معلوم قيليشيچه طالبان جنگچي لري شونينگ ديك تخار ولايتي ني نمك آب تومني ني ” ده بالا” و ” زمچ آب” قشلاقلريگه قرشي هجوم قيلگن و اوني عاقبتيده ايككي تمانگه تلفات يتكزيلگن.تخار پوليسي سوزچي سي يول اوزاق ليگي و مخابراتي علاقه كيسيلگني سبب حاضرگه قدر تلفات رقمي دن انيق معلومات يوق.

هرچند صلح كيليشو و جهان حماعت چليگي و افغانستان حكومتي طلب گه اساسا” زوروانليك لر ميزاني صلح مذاكره لر باشلنيشي اوچون كميتيريلسه اما بير هفته دن بيري طالبان تمانيدن قوراللي هجوملر مملكت شمالشرقي حدودلريده مثلي كورين مگن درجه ده كوپيگن.