ولسوالی-فرخار-880x550

تخارنینگ فرخار تومنیده نیچه قشلاقی طالبان نظارتی دن چیقاریلدی

neshananews

05 June 2021

تخارولایتی امنیتی مسووللری بوولایت نینگ فرخار تومنیده یولگه قویلگن حربی عملیات نتیجه سیده نیچه قشلاق طالبان جنگچی لریدن تازه‌لنگی دن خبر بیرگن. مسووللرگه کوره طالبان جنگچی لری نینگ سنگ آتش قشلاقی گه قرشی هجومی امنیتی قوتلردن دفع ایتیلگنی دن علاوه باشقه نیچه قشلاق هم تازه‌لگن.

تخار ولایتی پولیس باشلیغی اکرام الدین سریع فرخار تومنی نینگ سنگ آتش و اونی اطرافیده‌گی نیچه قشلاق ایککی کونلیک توقنشودن سونگ بوکون ایرته لب( شنبه ۱۵ جوزا) طالبان جنگچی لری نظارتی دن بوتکل تازه‌لنیدی دیب ایتی.

سریع جنابلری بو توقنشولرده طالبان گه آغیر تلفات یتکزیلگنی نی اورته گه قویب اما طالبان جنگچی لریگه قنچه تلفات یتکزیلگنی رقمی نی اظهار ایتمه دی. سریع جنابلری عینی دمده امنیتی قوتلرگه یتکزیلگن تلفات دن معلومات بیرمه دی.

تخار پولیس باشلیغی حاضرچه امنیتی قوتلر سنگ آتش و اونی اطرافیده جایلشکن قشلاقلرده قدیرو عملیات نی دوام ایتیریش دن خبربیردی.

تخارولایتی امنیتی مسووللریگه کوره طالبان جنگچی لری فرخار تومنی نینگ بیرقطار قشلاقلریده هجوملرینی کوپیتیریش بیلن بوتومن نی اوزنظارتلریده کیریتیش ده سعی قیلیب و بو ولایت نینگ مرکزی منطقه لری محاصره سینی کوپیتیرماقچی قولگنی نی تاکیدلشکن.