جبری اویلنیش دن قاچیش اوچون آته سینی اولدیردی
هرات ولایتی غوریان اولسوال لیگی ده بیر یاش قیز، شکاری ملتیغ بیلن آته سینی آتیب اولدیردی.
غوریان تومن حاکمی فرهاد خادمی نی ایتیشیچه بو واقعه اوتکن آقشام غوریان اولسوال لیگی مرکزیده یوزبیرگن.
محلی منبع لرگه کوره اولدیریلگن شخص، جبر بیلن قیزی ایسته مگن شخص بیلن اویلنتیرماقچی ایکن. منبع گه کوره قیز بو جبری اویلنیش گه قرشی لیک کورستگندن سونگ آته سی تمانیدن اولیم گه تهدید بولگن ایکن.
عینی حالده غوریان تومنی پولیس باشلیغی محمد ناصر شجاع حادثه یوز بیرگنی نی تصدیق لب حاضرگه قدر پولیس بو قیزنی توتقین ده آلیش گه موفق بولمگن دیدی.
افغانستان ده هر ییلی کوپلب قیزلر اوز عایله لری باسیمی و حق حقوق لریدن بی خبر لیگی سبب،جبری اویلنیش لر گه مجبور بولهدیلر. بوندای جبری اویلنیش لر گاهی اولر تقدیری نی نابودلیک تمان آلیب باره دی.