جوزجان ولايتي استيناف قاره لوچي اداره سيگه كوره بو ولايت نينگ ” ايچكي و تشقي امنيت” بوليمي تحقيق قاره لوچي سي پاره آليش چاغيده شبرغان شهريده حبس ده آليگن.

جوزجان ولايتي استيناف قاره لوچي سي محمدنصيرحكيمي نشانه خبر آژانسي بيلن صحبت ده ديدي بو قاره لوچي بوكون توش دن آلدين( چهارشنبه ٤ سرطان) دوسيه سي بولگن بيرشخص دن پاره آليش چاغيده توتقين ده آلينگن. حكيمي جنابلريگه كوره بو قاره لوچي مذكورشخص دن ١٨٠ مينگ افغاني پاره طلب قيلگن ايكن اما نهايت ده ٨٠ مينگ افغاني پاره آليشگه كيليشكن ايكن.

او، پاره آلگن قاره لوچي باش قاره لوچي  اداره سي نينگ كنترول و نظارت عالي قاره لوچي رياستي ملازملري تمانيدن بالفعل قولگه آلينگني ديدي.

جوزجان ولايتي استيناف قاره لوچي سي، جاري شمسي ييل اولي دن حاضرگه قدر اداري فساد عيبلوي بيلن بيش دوسيه بو اداره گه ثبت بولگني و بو دوسيه در بويچه تيكشيرو ايشلر دوام ايتيب باريشي ني تاكيدلشكن.