ايچكي ايشلر وزيرليگي مسوللري جوزجان ولايتي نينگ مرديان تومني ده نقليه واسطه لرگه قرشي بير ماين پارتلشي عاقبيتده عادي اهالي دن ٦ كيشي قربان بولگني دن خبر بيرگن.

ايچكي ايشلر وزيرليگي سوزچيسي طارق آرين ديدي اوتكن كوني توش دن سونگ (سه شنبه٣ سرطان) طالبان تمانيدن يول چكه سيده جايلشتيريلگن نقليه واسطه لرگه قرشي بير ماين، مرديان تومني ني ” فروك قلعه” قشلاقي حدوديده بير ريكشا اوتيشي پيتيده پارتلگن. ارين جنابلري بو پارتلش عاقبتيده عادي اهالي دن ٦  كيشي قربان بوليب و بير كيشي هم ياره لنگن ديدي.

عيني حالده اوتكن كوني جمهورريس ليك سرايي  زوروانليك لر طالبان تمانيدن كوپيشي، صلح پروسيگه ضرر يتكزيش دن آگاهلنتيرگندي. طالبان گروهي امنيتي قوتلرني نشان گه توتيش مقصدي بيلن عمومي قتناو يوللر چكه سيگه پارتلوچي ماده و ماين لر جايلشتيره ديلر، اما اكثر حاللرده عادي اهالي بو ماين لر پارتليشي ده قربان بوله ديلر.