جوزجان ولايتي قرقين تومنيده طالبان هجومي دفع ايتيلدي
neshananews
30 March 2020جوزجان ولايتي محلي رسميلري،اوتكن يريم كيچه طالبان قوراللي لري قرقين تومني ده امنيتي قوتلر پوسته لريگه قرشي هجوم اويشتيرگني دن خبر بيرگن.
رسميلرگه كوره بو گروه هجومي نيچه ساعتلي توقنشودن سونگ امنيتي قوتلر تمانيدن دفع ايتيلگن.
جوزجان ولايت حاكم ليگي مطبوعات مسولي معروف آذر نشانه خبر آزانسي بيلن صحبت ده ديدي:”طالبان جنگچي لري قرقين تومني مركزيني تصرف ايتيش مقصدي بيلن اوتكن كيچه امنيتي قوتلر قرارگاه لريگه قرشي هجوم ني يولگه قويديلر.” آذر جنابلري ايككي تمان ارا توقنشو نيچه ساعت دوام ايتكني و اوني عاقبتيده تورت طالب هلاك و ايككي هجومچي ياره لنگن ديدي.
جوزجان محلي رسميلري بو توقنشوده امنيتي قوتلردن ايككي عسكر جان بيريب و بير عسكر هم جراحت كورگني ني تصديق لشكن.
تركمنستان بيلن چيگره داش بولگن قرقين تومني آمو دريا قيرغاغيده جايلشكن.
