جوزجان ولایتی قوشتپه اولسوال لیگی ده طالبان هجومی اثریدن امنیتی قوتلردن بیش کیشی اولدیریلدی
جوزجان ولایتی امنیتی قوتلری بو ولایت نینگ قوشتپه اولسوال لیگی گه قرشی طالبان گروهی هجومی اثریدن امنیتی قوتلردن بیش کیشی قربان بولگنی دن خبر بیرگن لر.
جوزجان ولایت حاکمی سوزچی سی عبدالمعروف آذر نشانه خبرآژانسی بیلن صحبت ده دیدی طالبان گروهی جنگچی لری اوتکن کیچه ( یکشنبه ۲۸ ثور) قوشتپه اولسوال لیگی امنیتی پوسته لریدن بیریگه هجوم اویشتیریب و ایککی تمان ارا قریب اوچ ساعت دوام ایتکن اوروش عاقبتیده امنیتی قوتلردن بیش کیشی جان بیریب و ایککی عسکرهم یاره لگن.
آذر جنابلری اوتکن کیچه یوز بیرگن بو توقنشو ده شونینگ دیک طالبان گروهی جنگچی لریدن بیش کیشی اولدیریلیب و ۷ جنگچی جراحت کوگنی دن خبر بیردی.
جوزجان ولایتی قوشتپه تومنی مرکزی بوندن قریب اوچ آی آلدین طالبان نظارتی گه اوتی . حاضرچه بو تومن نینگ یالغیز« جرقدوق» ناملی قشلاقی دولت قوتلری نظارتی آستیده دیر.