جوزجان ولایتی امنیتی مسوللری بوولایت نینگ مردیان تومنی گه قرشی قوراللی طالبان نینگ ایککنچی هجومی یولگه قویلگنی دن خبربیرگن. شاهین قول اردوسی مطبوعات بولیمی نشر ایتکن خبرنامه سیده؛ امنیتی قوتلر بو هجوم نی دفع ایتیب طالبان نینگ بیر محلی قوماندانی داخل تورت جنگچی نی اولدیریلگنی نی تاکیدلنگن.

جوزجان ولایت حاکم لیگی مطبوعات مسولی معروف آذرهم بوکون چهارشنبه ۱۴ حمل نشانه خبر آژانسی بیلن صحبت ده اوتکن کیچه قوراللی طالبان مردیان اولسوال لیگی امنیتی پوسته لریگه قرشی هجوم اویشتیرگنی نی تصدیق لب امنیتی قوتلر نیچه ساعتلیک توقنشودن سونگ طالبان هجومی نی دفع ایتکنی نی تاکیدلشدی.

آذرجنابلری، بو توقنشو عاقبتیده طالبان نینگ جوزجان ده‌گی قوماندانلریدن بولگن ملاعبدالله اوچ جنگچی سی بیلن اولدیریلگن دیب ایتی.

جاری هفته ده بوایککنچی بار دیر که طالبان قوراللی لری جوزجان ولایتی مردیان اولسوال لیگی قرشی هجوم اویشتیرماقده.

بونگه قوشیمچه فاریاب ولایتی محلی رسمی لری بو ولایت نینگ المار تومنی ده طالبان و امنیتی قوتلر ارا یوزبیرگن توقنشوده طالبان گروهی ایککی جنگچی سی هلاک بولگنی دن خبر بیرگن.

 طالبان گروهی حاضرگه قدر بوباره ده بیران نرسه ایتمگن.