کرونا ویروسی ییرلگنی و هرات شهریده مردم باردی کیلدی سی اوچون ایجاد بولگن چیکلولرسبب هرات خیابان وکوچه لری اوتمیش گه قرگنده خلوت راق بولگن. قوراللی اوغیرلرهم بو فرصتلردن فایده لنیب مردم نینگ پول، قول تلفن و نقلیه واسطه لری کمینی ده دیر. هرات یشوچلری بو وضعیت دن تنقیدلب پولیس نی شهرامنیتی و انتظامی نی تامین لشده کوچ سیزاتب امنیتی قوتلردن بو قوراللی اوغیرلیک لر آلدی آلینیشی نی طلب ایتکن لر.

 بو قوراللی اوغیرلیک قربان لریدن بیری نذیرایوبی دیر. اوتکن هفته اوغریلرقول تلفنی و بیرمقدار پولینی زور بیلن آلیشگن. هرات یشوچی سی بولگن بو شخص اوتکن یکشنبه ( ۳۱ حمل) شام پیتیده اویی تمان باره یاتکان وقت ده موترسایکل ده بولگن اوغریلر آلدینی توتیب قول تلفنی و جونته سیده‌گی نقد پولرنی اولرگه تسلیم بیریش ده تهدید قیلگن. چاره سیز قالگن ایوبی جنابلری،بو اوغریلر قول تلفنیم و پولریم نی آلیش دن سونگ محل نی تیزلیک ده ترک ایتیلردیدی.

 قوراللی اوغیرلیک قربانی بولگن ایوبی جنابلری پولیس نی شهر خوفسیزلیکی تامین لشده دقت سیزلیک گه عیب لب هرات امنیه قوماندان لیگی دن طلب ایتی شهرده اهالی باردی کیلدی سیگه جاری بولگن چیکلولربیلن عینی پیت ده پولیس خلوت خیابان و محله لرده نظارتی کوپیتیریش کیرک.

  امید هم هرات شهریده قوراللی اوغیرلیک قربان بولگن باشقه بیرکیشی دیر. بو یاش ییگیت پولیس نی هرات ده قورالی اوغیرلیک لر کوپیشی گه تقصیردار اتب دیدی نیچه کیچه آلدین توقییزنچی ناحیه نینگ « تانگ مولوی» منطقه سیده اویم گه باریش چاغیده قوراللی اوغریلرکمینی گه دچار بولدیم. اوغریلرقول تلفم و فیلم الوچی کمره نی قولیمدن آلدیلر.

 بونگه قره مسیدن نذیرایوبی و امید، قرنطینه کونلریده قوررالی اوغریلرچنگالی گه توشکن یگانه شخصلر ایمس لر بلکه بونگه اوخشه گن اونلب واقعه قرنطین کونلریده هرات ده یوزبیرگنی خبرقیلنگن.

هرات یشوچیلری پولیس دن تنقیدلب دیدیلر امنتی قوتلرنی دقتسیزلیگی و خیابان وکوچه لرخلوت بولگنی اولرگه کوپگینه معمالرتوغدیرگن. اهالی گه کوره عموما یاش ییگتلربولگن بوقوراللی اوغریلر، گروهی شکلده و موترسایکل لردن فایده لنیب مردم نینگ قیمت بها اشیالرنی زور بیلن آلماقده لر. مردم، قشاقلیک، ایش سیزلیک و تورلی خیل قورال اسلحه گه آسان قول تاپیش نی هرات ده کون اوتیشی بیلن کوپیب باره یاتکان بوندای واقعه لراصلی عاملی دیب ایتماقده لر.

هرات ده کرونا ویروسی ییرلیشی بیلن امنیتی مسوللر مردم نینگ باردی کیلدی سیگه چیکلو ایجاد ایتکنی سبب قریب بیرآی دن بویان خیابان لر و کوچه لر خلوت بولگن.

 بیرقطار حربی ایشبلرمان لر هرات ده قوراللی اوغیرلیک لرکوپیگنی عاملی نی باشقه نرسه لرگه تیشگیشلی بیله دیلر.

نفقه گه چیققن سابق حربی غلام حسن مجروح دیدی مردم نینگ کونده لیک ایش و کاروباریگه چیکلو جاری ایتیلیشی سببلی قشاقلیک و احتیاجلیک یاشلرنی اوغیرلیک تمان تارتیشکن. مجروح جنابلری علاوه ایتی:« بازار یاپیلگنی وکسب وکارکسادگه اوچرشکنی بیلن دولت تمانیدن قشاقلیک نی برطرف ایتیش ده هیچقندای مناسب دستور یولگه قویلمگنی سبب ،  بوندای جنایی ایشلرگه زمینه مساعد بولگن.» او محلی مسوللردن، کرونا گه قرشی کورش یانیده، قشاقلیک وایش سیزلیک نی برطرف ایتیش اوچون منتظم و ایجابی دستور عملی قلیشی نی طلب ایتیب اگر بو توغریده جدی اعتبار قرتیلمسه شهرده بوندای واقعه لرکوپلب یوزبیریشی ممکن دیدی.

 عینی حالده هرات امنیه قوماندان لیگی دیدی مردم نینگ باردی کیلدی سیگه چیکلو جاری ایتیلگنی بیلن پولیس قوتلری شهرچهارراهه لریده فعال حضوری بولگنی و جنایی جرم لر و قوراللی اوغیرلیک لرهرات ده کنترول بولگن دیدی. هرات امنیه قوماندان لیگی سوزچی سی عبدالاحد ولیزاده نشانه خبرآژانسی گه دیدی اوتکن بیر آی جریانیده اینگ آز ۱۵۰ اوغری هرات شهریده توتقین ده آلنگن. ولیزاده جنابلری شونینگ دیک پولیس هرات شهری خیایان و کوچه لری امنیتی نی تامین لشده ینگی دستور قول اوستیده آلگنی دن خبر بیردی.