خوفسيزليك كينگاشي: اوتكن ايككي كون ده طالبان نينگ ٧١٠ محبوسي قويب يوباريلدي
neshananews
31 May 2020افغانستان ملي خوفسيزليك كينگاشي دفتريگه كوره اوتكن ايككي كونده دولت ، طالبان نينگ ٧١٠ محبوسي ني قماقخانه لردن قويب يوبارگن.
ملي خوفسيزليك كينگاشي دفتري قويب يوباريلگن محبوس لر رويخطي طالبان تخنيكي هياتي تمانيدن دولت اختياريگه قويلگن كيشي لر بولگني ني تاكيدلشكن.
افغانستان جمهورريسي، طالبان تمانيدن هيت كونلريده اعلان ايتيلگن آتش كيسيم ني آلقيشلب آتش كيسيم دوام ايتيشي و ايككي تمان ارا ايشانچ قوللب قوتلنيشي اوچون طالبان نينگ ٩٠٠ محبوسي ني قويب يوباريش ده حكم بيردي. باشقه تماندن طالبان گروهي هم دولت نينگ٧٣ محبوسي ني قويب يوباريشي ني اعلان ايتي. طالبان گروهي ني ايتيشيچه بوگروه و امريكا ارا امضالنگن صلح كيليشوي دن سونگ طالبان دولت نينگ ٤٢٠ محبوسي ني قويب يوبارگن.طالبان گروهي نينگ بيش مينگ محبوسي، دولت نينگ بير مينگ محبوسي برابريده قويب يوباريليشي امريكا و طالبان ارا امضالنگن كيليشونينگ اساسي شرط لريدن بيري دير.
