ملی خوفسیزلیک کینگاشی دفتری، مملکت ده عادی اهالی تلفاتی حقیده یوناما راپوریگه مناسیت کورستیب ایتکن که طالبان و باشقه تروریستی گروه لر عادی اهالی تلفاتی نینگ اصلی عامللری دیر.

افغانستان ملی خوفسیزلیک کینگاشی اوتکن کونی ( سه شنبه۳۰ ثور) بو باره ده خبرنامه نشرایتیب ایتکن:« افغانسان دولتی یوناما راپورنی قولگه کیریتکن ومحل دن قولگه کیلگن سندلرکورسته دی که طالبان و باشقه تروریستی گروه لر مملکت ده عادی اهالی تلفاتی نینگ اصلی عامللری دیر.طالبان توغریدن توغری و یا هم داعش گروهی ویا باشقه گروه لرآرقلی عادی اهالی تلفاتی گه سبب بولگن واقعه لرگه زمینه یرتکن.»

  مملکت ملی امنیت کینگاشی اوندای بیرحالده طالبان و باشقه تروریستی گروه لرنی عادی اهالی تلفاتی عاملی بیلماقده که بیرلشکن ملت لرتشکیلاتی افغانستان ده‌گی دفتری ( یوناما) ینگی نشرایتکن راپوریده ایتکن که طالبان اپریل آیی ده عادی اهالی نینگ ۲۰۸ تلفاتی عاملی دیر. بو رقم ۲۰۱۹ نچی میلادی ییل اپریل آیی رقمی گه قرگنده ۲۵ فایز کوپیگن. یوناما عینی دمده ایتکن که افغانستان امنیتی قوتلری اپریل آیی جریانیده عادی اهالی دن ۱۷۲ کیشی نینگ تلفاتی عاملی دیر و ۲۰۱۹ نچی میلادی ییل اپریل آیی گه قرگنده ۳۸ فایزکوپیشی نی کورسته دی.

باشقه تماندن ملی خوفسیزلیگ کینگاشی دفتری ایتکن بو کینگاش معلوماتی گه کوره، طالبان ۲۰۲۰ میلادی ییلی اپریل آیی ده ۱۴۱ عادی اهالی نی اولدیرگن و ۲۸۴ کیشی نی هم یاره لنگنی گه دخلدار دیر. ملی خوفسیزلیک کینگاشی گه کوره بو اهالی دن کتته قسمی یول چکه سیده جایلشتیریلگن ماین پارتلشی و طالبان نینگ توغریدن توغری و مقصدلی هجوم لری عاقبتیده شهید و یاره لنگن.

بو کینگاشی شونینگ دیک استخباراتی معلومات و حجت لرگه اساساٌ باله لر، حامله دار عیاللر و همشیره لر شهادتی گه سبب بولگن  کابل شهری دشت برچی شفاخانه سی و ننگرهارده‌گی جنازه مراسیمگه قرشی اویشتیرگن هجوم لریده طالابن گروهی بیواسطه دخلدار دیر.

افغانستان ملی خوفسیزلیک کینگاشی، طالبان گروهی ننیگ زوروانلیک وهجوملری اوندای بیر حالده کوپیگنی دن خبر بیرگن که بو گروه امریکا قوشمه ایالت لری بیلن قطرده امضالشگن صلح بیتمی دن سونگ، مملکت ده زوروانلیک لرنی کمیتیریش نی وعده قیلگندی.