ایچکی ایشلروزیرلیگی،  پولیس نینگ خاص قوتلری بیر حربی عملیات نیتجه سیده طالبان گروهی تروریستی هجوملرینی ریجه لشتیروچیسی و داعش گروهی نینگ بیر مهم اعضاسینی توتقین ده آلینگنی دن خبر بیردی.

ایچکی ایشلروزیرلیگی بیرخبرنامه نشر ایتیب دولت نینگ بو ایککی قوراللی مخالفی اوتکن کونی شام ( یکشنبه ۱۷ میزان) پولیس نینگ خاص قوتلری بیر عملیاتی نتیجه سیده کابل ولایتی پغمان تومنی حدودلریدن قولگه آلینگنی نی ایتکن. خبرنامه گه کوره توتقین ده آلینگن بو شخص لر کابل شهریده هجوملرنی ریجه لشتیریش وظیفه سیگه ایگه ایکن. طالبان گروهی اعضاسی بولگن بو شخص پایتخت کابل ده ترور و مقناطیسی ماین لرنی جایلشتیریش ده اساسی حصه قوشکنلردن بیری بولگنی خبرنامه ده اورغولنگن.

ایچکی ایشلروزیرلیگی معلوماتیگه کوره توتقین ده آلینگن ایککنچی شخص داعش گروهی اعضاسی بولیب و بوگروه نی کابل شهریده هجوم لرینی لایحه لشتیروچی شخص بولگن. بو معلومات گه کوره بو عملیات ده بیرمقدار قورال یراق و پارتلوچی ماده پولیس قولیگه توشکن.

عینی زمانده ملی امنیت عمومی اداره سی هم اعلان ایتکن که طالبان و داعش گروه لری نینگ عملیاتی مرکزینی کابل شهریده انیق لنتیرگن اما کوپراق تفصیلات بیرمگن. سونگی وقت لرده کابل و مملکت نینگ باشقه بیرقطار ولایتلری مثلی کورینمگن ناقرارلیک لرگه گواه دیر. امنیتی قوتلرایسه بو ناتینچلیک لرآلدی آلینیشی دن ایشانچ بیلدیرگن.