دایکندی ولایتی محلی رسمی لری،  بوولایت نینگ پاتو تومنی ده امنیتی قوتلرنینگ پوسته لریگه قرشی طالبان جنگچی لری هجومی دفع ایتیلیب بو گروه نینگ ۱۲ جنگچی سی اولدیریلیب و ۶ جنگچی سی یاره لنگنی دن خبر بیرگن.

دایکندی ولایتی پاتو تومن حاکمی سیدطاهراعتمادی نشانه خبرآژانسی بیلن صحبت ده دیدی طالبان اوتکن کیچه ( سه شنبه ۲۴ سرطان ) ساعت ۱۰ اطرافیده ایککی تماندن بوتومن نینگ تگاب قشلاقیده مردمی قوتلرپوسته سیگه قرشی هجوم اویشتردی و بو توقنشو قریب تورت ساعت دوام ایتیب و هوا قوتلری عملیاتی دن سونگ طالبان منطقه نی ترک ایتیش ده مجبور بولدیلر.

اعتمادی جنابلری علاوه ایتی دستلبکی راپورلرگه کوره بو توقنشو نتیجه سیده طالبان گروهی جنگچی لریدن ۱۲ کیشی اولیب و آلتی جنگچی هم یاره لنگن. پاتو تومن حاکمی اولدیریلگن لر آره سیده سونگی کونلرده جمهورریس فرمانیگه مطابق حبس دن قویب یوباریبلگن بیرجنگچی داخل ایکنی نی ایتکن.

باشقه تماندن بو توقنشو عاقبتیده مردمی قوتلردن اوچ کیشی یاره لنگن. طالبان گروهی حاضرگه قدر بو باره ده بیران نرسه ایتمگن.