دوحه‌ده یوقاری مرتبه‌لی حکومت و طالبان هیاتلری اۉرته‌سیده‌گی مذاکره‌لر ایکّینچی کون‌ده دوام ایتماقده
neshananews
18 July 2021ملي یره‌شیش عالي کېنگاش گه‌کوره، افغانستان حکومتی و طالبان نینگ یوقاری درجه‌ده‌گی هیاتلری اۉرته‌سیده تۉغریدن-تۉغری تینچلیک مذاکره‌لری دوحه‌ده دوام اېته‌یاتگنینی اَیتماقده.
ملی‌یره‌شیش عالی کینگاشی سوزچیسی اۉرین‌باسری فریدون خوزون بوگون ( یک‌شنبه ۲۷ سرطان) تویتتر‌صحیفه‌سیده “ایکّی تامان تینچلیک جریانیده‌گی مهم مسأله‌لرنی محاکمه قیلماقده” دېب یازگن.
جناب خوزون افغانستان دولت هیاتی، طالبان وکیللری بیلن مذاکره‌لرینی موفقیتلی اۉتکزیش اوچون سعی وحرکت قیله‌یاتگنینی قۉشیمچه قیلگن.
مذاکره‌لر کېچه قطرده باشلندی. عبدالله عبدالله، عطا محمد نور، کریم خلیلي، سَلام رحیمی، باتور دۉستم و باشقه قطار سیاستچیلر دولت هیاتی اعضالری دیر. طالبان نینگ سیاسي معاونی ملا عبدالغنی برادر بو گروه هیاتی‌ني باشقره‌دی.
اوچره‌شووده تامانلر اوروشدن تینچلیککه اۉتیش و محبوسلرنی آزاد قیلیش میکانیزملرینی محاکمه قیله‌یاتگنی ایتیلماقده.
