دولت، طالبان نينگ ١٨٠ محبوسيني محبس لردن قويب يوباردي
neshananews
13 July 2020افغانستان ملي امنيت كينگاشي ني اعلان قيليشيچه طالبان گروهي نينگ ١٨٠ محبوسي مملكت قماقخانه لريدن قويب يوباريلگن.
ملي خوفسيزليك كينگاشي سوزچيسي جاويد فيصل بوكون( دوشنبه ٢٣ سرطان) بير تويت ده يازگن اوتكن نيچه كون جريانيده افغانستان دولتي ١٨٠ طالب ني محبسلردن قويب يوبارگن. بو بيلن افغانستان قماقخانه لريدن قويب يوباريلگن طالبان گروهي محبوسلري ساني ٤ مينگ و ١٩٩ كيشي گه يتكن. فيصل جنابلري علاوه ايتكن طالبان بيرگن وعده لريني توليق عملي قيلمگن و نه فقط امنيتي قوتلرنينگ بيرمينگ محبوسيني قويب يوبارمگن بلكه افغانستان ملتي نينگ قتل ايتيشي ني توختتمگن.
باشقه تماندن طالبان گروهي حاضرگه قدر دولت نينگ ٧٠٠ محبوسي ني قويب يوبارگني ايتكن، اما افغانستان حكومتي طالبان تمانيدن آزاد ايتيلگن كيشيلر اكثري عادي اهالي بولگني ني ايتيب و فقط امنيتي قوتلردن ٥٠٠ كيشيدطالبان قماقخانه لريدن قويب يوباريلگن ديدي.
