سرپل ولايتي امنيتي مسوللريگه كوره بو ولايت مركزيده يول چكه سيده جايلشتيريلگن ماين پارتلشي نتيجه سيده عادي اهالي دن اوچ كيشي اوليب و اوچ عيال داخل تورت نفرهم جراحت الگن.

سرپل ولايتي پوليس سوزچيسي نورآغا فيضي بوكون ( سه شنبه ١٣ جوزا) نشانه خبر آژانسي بيلن صحبت ده ديدي:” يولوچي لري عادي اهالي بولگن بير سراچه موتر سرپل مركزيده جايلشكن ” شيرم ها” قشلاقي يوليده جايلشتيريلگن ماين پارتلشي سبب اوچ كيشي اوزجاني ني قولدن بيرگن و اوچ عيال داخل تورت نفرهم ياره لنگن.”

فيضي جنابلري علاوه ايتي طالبان عموما امنيتي قوتلرگه ضربه يتكزيش مقصديده يوللرچكه سيده ماين جايلشتيره ديلر اما كوپ وقت او عادي اهالي قربان بوله ديلر. او بو حادثه ده ياره لنگن كيشي لر سرپل مركزي كسلخانه سيگه انتقال بيريليب دوالنيشي ني تاكيدلشكن.