سرپل ده ٦ عادي اهالي اوليب ياره لندي
سرپل ولايتي گوسفندي تومني ده طالبان تمانيدن اويشتيريلگن هجوم نتيجه سيده عادي اهالي دن ٦ كيشي اوليب ياره لنگن.
سرپل پوليس سوزچي سي نورآغا فيضي نشانه خبر آژانسي بيلن صحبتده ديدي:
” اوتكن كيچه قوراللي طالبان گوسفندي تومني ده گي امنيتي قوتلر قرارگاه لريگه هجوم اويشتيريب نيچه ساعتلي توقنشودن سونگ ساحه ني ترك ايتكن لر.”
فيضي جنابلريگه كوره طالبان قوراللي لري اهالي اويلريني نشان گه توتكني عاقبتيده ايككي عادي اهالي جان ني قولدن بيرگن و تورت كيشي هم ياره لنگن.”
پوليس سوزچي سي بو توقنشوده شونينگ ديك طالبان گه هم تلفات يتكزيلگني دن خبر بيردي. طالبان گروهي حاضرگه قدر بو حقده بيران نرسه ايتمگن.