سرپل ولایتی عامه ساغلیک اداره سی مسولی، بوندن قریب ایگرمه کون آلدین کرونا ویروسی نی یوقتیرگن ۳۷ یاش بولگن شخص سرپل ولایتی کووید۱۹ شفاخانه سیده عالم دن اوتکنی نی تصدیق لشکن. بوایرکک بیمار اوچ کون دن بیری مخصوص مراقبت لرآستیده الینیب و اوتکن اقشام( شنبه ۵ ثور) عالم دن اوتکن

  سرپل ولایتی عامه ساغلیک اداره سی یوقمه کسل لیک لربولیمی مسولی داکترهارون نشانه خبرآژانسی بیلن صحبت ده دیدی:« عالم دن اوتکن بیمار، اوچ کون آلدین احوالی آغیر بولگنی دن سونگ شفاخانه گه مراجعه ایتی و بیزاوندن  نمونه آلیب بلخ لابراتواریگه جونتدیک اما بخت گه قرشی اوتکن کونی شام نتیجه سی معلوم بولگندن آلدین وفات ایتی.» داکتر هارون علاوه ایتی بو بیمارنینگ نتیجه سی بوکون ( یکشنبه ۶ ثور) معلوم بولدی و او کرونا ویروسی گه مبتلا ایکن.

 ۳۷ یاش ده بولگن بو ایرکک ۲۰کون آلدین کابل ده کرونا ویروسی نی یوقتیرگن. اونی جسدی سرپل ولایتی عامه ساغلیک اداره سی نظارتی آستیده توپراققه تاپشیریلماقچی. عامه ساغلیک اداره سی معلوماتی گه کوره بو سرپل ولایتی ده کرونا ویروسی سبب عالم دن اوتکن ایلک واقعه دیر. بو اداره عینی دمده بو ولایت ده کرونا ویروسی نی یوقتیرگن یگانه مثبت واقعه اوتکن هفته ساغلیب شفاخانه دن رخصت بولگن. حاضرچه سرپل ولایتی نینگ کووید۱۹ کسلخانه سیده کرونا ویروسی نی یوقتیریش گه شبهه لی بولگن ایککی کیشی سخلنیب نمونه لری نتیجه سی نی کوتماقده لر.