جمهورريس بيرينچي اورين باسري امرالله صالح ديدي طالبان گروهي مسجدلرده پارتلش باشلوچي سي و مبتكري دير. او علاوه ايتي طالبان گروهي ” وزير اكبرخان ” مسجدي پارلشي ده دخلدار دير و بو مسجد خطيبي مولوي اياز نيازي ني اولديرگن.

جمهورريس بيرينچي اورين باسري بوكون ايرته لب( چهارشنبه ١٤ جوزا) وزيراكبرخان مسجدي خطيبي اولديريلگني كه مناسبت بيلديريب فيسبوك صحيفه سيده يازگن:” طالبان ايككي جمله يازيش بيلن بو ترور و جنايت دن اوزلريني آق لي آلميديلر. طالبان مسجدلرني پارتلش و پاكستان دن تشقريده درس اوقيگن دين عالم لري، قوم باشليغ لري، سياسي و علمي سيما لر تروريني باشلوچي سي و مبتكري دير.”

اوتكن كوني شام چاغيده وزير محمداكبرخان جامع مسجدي خطيبي ايازنيازي مسجدده يولگه قويلگن پارتلش ده اوزجاني ني قولدن بيردي. ايچكي ايشلر وزيرليگي ني ايتيشيچه بو پارتلش ده ايازي جنابلري داخل ايككيشي قربان بوليب و ايككي كيشي هم جراحتلنگن.امرالله صالح بو پارتلش گه نسبتا” بيلديرگن مناسبتي دواميده يازگن:” فرض قيليلينگ كه طالبان بو واقعه ده دخلدار ايمس اما بوگروه مملكت ده خوارج يول وتفكريني رواجلنتيرگن.طالب و داعش گروه لري نينگ عملياتي ايشلري اره سيده قنداي بير مهم فرق يوق در حقيقت بو ايككي گروه بير تفكرگه ايگه دير.”

صالح جنابلري تاكيدلشكن كه حكومت نينگ وظيفه سي جنايتچيلرني تاپيش دير. او علاوه ايتكن :”دشمن ني تاني ميز هرچند كه دشمن اوز سياسي كيم ليگي ني اوزگرتيريش ده سعي قيلماقده.”

آخركي كونلرده پايتخت كابل ده پارتلش لر ساني كوپيگن و قريب هركوني كابل بير قانلي پارتلش گه گواه دير.