جوزجان ولایتی محلی رسمیلرینی معلوم قیلیشیچه طالبان گروهی بو ولایت نینگ درزاب تومنیده « ام تی ان و روشن » مخابراتی ترماقلریگه تیگیشلی بولگن ایککی آنتن پایه لرینی اوت گه یاندیرگن.

 جوزجان ولایت حاکمی سوزچیسی عبدالمعروف آذر بوکون ( پنجشنبه ۱۲ سرطان ) نشانه خبر آژانسی بیلن صحبت ده دیدی طالبان جنگچی لری اوتکن کیچه بو ایککی آنتن پایه لرینی نابود قیلگن. اونگه کوره حاضرگه قدر طالبان جنگچی لری نینگ بوحرکتی سبب معلوم ایمس.

جوزجان ولایتی درزاب تومن حاکمی ذبیح الله زاهد هم بو تومن غربی و « آنتن پایه سی » منطقه سیده جایلشکن بو ایککی آنتن پایه لری طالبان تمانیدن نابود قیلینگنی نی تصدیق لشکن. زاهد جنابلریگه کوره مخابراتی ترماق لر علاقه سی کیسیلگنی سبب طالبان گروهی نینگ بو حرکتی دلیلی بیزگه یتیب کیلمگن دیدی.