طالبان رهبری: بیز افغانستان ده قدرت نی ایگللش نی ایسته می میز
neshananews
28 July 2020طالبان گروهی رهبری « قربان هیتی» مناسبتی بیلن نشر ایتکن پیامیده، بوگروه افغانستان ده قدرت ایگللش نیتی ده ایمس دیب مملکت یشوچیلریدن هر بیرکیشی حیات نینگ برچه حقلری و امکانیت لریدن فایده لنش ده حقلی دیردیگن. طالبان نینگ هیت مناسبتی بیلن بو پیامی بوکون ( سه شنبه ۷ اسد) نشر بولگن. بو پیام ده طالبان گروهی نینگ حاضرگی رهبری ملاهبت الله آخندزاده دن بوندای نقل بولگن: « بیزنینگ یارقین پیامی میز شوکه بیز قدرت نی ایگللش نیتی ده ایمس میز. افغانستان ده یشه یاتکان برچه قوم و طبقه لر بیربیرلریگه ضرورت لری بار و اهالی نینگ هربیری حیات حقلری و امکانیت لریدن فایده لنشده حقلی دیرلر.»
طالبان گروهی رهبری بو پیامی ده طالبان جنگچی لریگه، عادی اهالی گه صدمه یتکزمسلیگی نی بویریب، شاه یوللرخوفسیزلیگی نی تامین لش و سوداگرلر اشیالرینی انتقال بیریش ده کیرک لی قولی لیک لرنی مساعد ایتیش و سوداگرلربیلن یخشی مناسبت کورستیش نی تاکیدلشکن. آخندزاده جنابلری بوگروه هیچ کیم بیلن شخصی دشمن لیگی یوق دیب محبوسلرنی قویب یوباریلیشی افغانستان دولتی تمانیدن توختتیلمس لیگی کیرک دیب تاکیدلشکن: « بو که بیز صلح و تینچلیک تمان آدیم کوتارماقده میز، محبوسلرنی قویب یوباریلیش اونی اساسی قسمی دیر چونکه هم ایشانچ توغدیره دی و هم صلح یولی نی قیسقرتیره دی.»
طالبان گروهی نی حاضرگی رهبری هیت مناسبتی ده نشرایتکن بو پیامی ده افغانستان دولتی دن طلب ایتکن که افغان لر ارا مذاکره لر یولی اوستیده تاپیلگن توسیق لرنی تیزلیکده کوتاریشی کیرک و قیسقه مدت منفت لرنی تقسیم لش اورنیده مملکت ملی مصلحت و منفعتی نی نظرده توتیش لری لازم.
طالبان گروهی بو پیام ده خارجی قوتلرنی افغانستان دن چیقیشی نی آلقیشلگن.
