طالبان غور ده بير ياش عيال ساچيني قيرگن
neshananews
15 January 2020غور ولايتي چهارسده تومني ده قوراللي طالبان بير ياش عيال ني، بو گروه اعضالريدن بيري بيلن ناقانوني جنسي علاقه قورگني عيبلوي بيلن جزا لنتيريب كين قماقه سالگن.
غور ولايتي امنيه قوماندان ليگي سوزلوچي سي عبدالمعروف رامش، اما بو ياش عيال طالبان گروهي اعضالريدن بيري نينگ تمانيدن جنسي زورلنگن ديب ايتكن.
ايتيليشيچه طالبان گروهي اعضالريدن بيري بو ياش عيال گه جنسي تجاوز قيلگن.
رامش جناب لري گه كوره طالبان اول بو عيال ساچي ني قيرگن و كين اوني تورمه سالگن.
محلي منبع لرني خبر قيليشيچه بو ياش عيال چهارسده تومني يشوچي سي دير.
غور ولايتي ده عياللرگه قرشي زوروانليك لر ميزاني بلند و طالبان اوز نظارت لري آستيده گي منطقه لرده صحرايي محكمه لر آرقلي بو گروه گه خاص بولگن قانون لرني عملي قيله ديلر.
