تخارولايتي امنيتي مسواللريگه كوره، كندز – تخار شاه يوليده امنيتي قوتلرنينگ بير پوسته سيگه قرشي طالبان هجومي آرتيدن و امنيتي قوتلر مقاومتي سبب بو گروه نينگ ايككي جنگچي سي اولديريليب و ايككي جنگچي سي هم جراحتلنگن.

تخارپوليسي سوزچيسي خليل اسير ديدي طالبان قوراللي لري اوتكن كوني شام (يكشنبه ٢٥ جوزا) كندز – تخار شاه يولي  نينگ “اكبرخان ” منطقه سيده ينگي دن ايجاد بولگن بير پوسته گه هجوم اويشتيرگن و ايككي تمان ارا يوز بيرگن توقنشو نتيجه سيده طالبان جنگچي لريدن تورت كيشي هلاك بوليب ياره لندي.اسيرجنابلريگه كوره هلاك بولگن لردن بيري طالبان گروهي نينگ تنيقلي اعضاسي ” بحرالدين ” گه مشهور ملابصير دير.

تخار پوليسي سوزچيسي امنيتي قوتلر مقاومتي سبب طالبان هجومي دفع ايتيلگني ني تاكيدلب كندز – تخار شاه يولي حدوديد ايجاد ايتيلگن بو پوسته لر منطقه خوفسزليگي ني تانين لشده مثبيذتاثير قالديگن ديدي.

كندز – تخار شاه يولي مملكت نينگ ناتينچ شاه يوللريدن بيري دير. طالبان گروهي انده سنده بو شاه يول حدوديده چك پاينتلر ايجاد ايتيب يولوچي لرني اذيت قيله دي. قوراللي طالبان اوتكن كوني ايرته لب ايككي بدخشان ليك ياشني نقليه واسطه دن توشيريب تيرباران قيلگندي.