قندهارولایتی امنیتی مسووللری بو ولایت ده طالبان گروهی جنگچی لریگه آغیر تلفات یتکزیلگنی دن خبر بیرگن. قندهارپولیسی گه کوره اوتکن ۲۴ ساعت ده طالبان گروهی نینگ ۱۰۷ جنگچی سی امنیتی قوتلرنی ییر و هوا هجوملری نتیجه سیده اولدیریلگن دیب اعلان ایتکن.

قندهار امنیه قوماندان لیگی بوکون ( یکشنبه ۱۱ عقرب) بیرخبرنامه نشر ایتیب طالبان گروهی نینگ بو جنگچی لری بو ولایت نینگ ژری و ارغنداب اولسوال لیک لریده اولدیرگنی نی ایتکن. خبرنامه گه کوره طالبان نینگ بو جنگچی لری بو ایککی تومن ده طالبان هجوم لری کوپیگنی دن سونگ امنیتی قوتلرنی مدافعوی عملیات لری جریانیده هلاک بولگنی قید ایتیلگن.

قندهارولایتی امنیتی مسووللری شونینگ دیک بو جریان ده اینگ آز ایگرمه طالب هم یاره لنگنی نی تاکیدلشکن. قندهار امنیه قوماندان لیگی ارغنداب تومنیده قوراللی توقنشو لر دوام ایتیب باریشی دن خبر بیریب طالبان بو توقنشولرده اهالی نینگ اویلریدن سنگر اوله راق فایده لنیشی نی ایتکن.

طالبان گروهی حاضرگه قدر بو باره ده بیران نرسه ایتمگن.

طالبان گروهی و امنیتی قوتلر ارا قندهار ولایتی ارغنداب تومنیده توقنشولر اوتکن هفته اولی دن شدت آلدی. طالبان گروهی نینگ بو تومن گه قرشی هجوملری شدتی نتیجه سیده اینگ آز یوز عایله اوز اوی جایلریدن آواره بولگن.

بونگه علاوه طالبان گروهی میزان آیی اورته لریدن بویان مملکت نینگ تورلی ولایت لریگه قرشی خصوصا هلمند، غور، تخار و بیرقزار تومن لرگه قرشی هجوملری نی شدت بیرگن. هرچند بیرقطار خلق ارا تشکیلات لر جمله دن بیرلشکن ملت لر تشکیلاتی، یوناما، خلق ارا عفو کشکیلاتی، ناتو و تورلی مملکت لرنی کابل ده‌گی ایلچی لیگلری تینچلیک مذاکره لرجریانیده زوروانلیک لر و هجوملرینی کمیتیریش نی طلب ایتکن اما بو گروه حاضرگه قدر بو توغریده مثبی جواب بیریش دن باش تارتکن.