طالبان نينگ حاضرگي رهبري ملاهبت الله عالم دن اوتكني دن قره مه قرشي خبرلر ينگره گن. ” فارين پاليسي” خبري مجله سي راپوريگه كوره طالبان گروهي رهبري كرونا ويروسي سبب وفات ايتكن و بو گروه نينگ باشقه بيرقطار رهبرلري هم بو ويروس ني يوقتيرگن.

اما طالبان گروهي بو خبرني رد ايتيب بوگروه رهبري ملا هبت الله وفاتي و طالبان ايريم رهبرلري كرونا ويروسي ني يوقتيرگني يلغان ديب ايتكن.

طالبان گروهي سوزچيسي ذبيح الله مجاهد بوكون ( سه شنبه ١٣ جوزا) تويتر صحيفه سيده، طالبان بو ميش ميش لرني كيسكين رد ايتيب و بوگروه نينگ برچه رهبرلري كونده ليك ايشلريني بجرماقده لر ديب يازگن. عيني حالده نيچه كون آلدين افغانستان ملي امنيت سابق رهبري رحمت الله نبيل تويتر صحيفه سيده، طالبان گروهي بيرقطار رهبرلري كرونا ويروسي ني يوقتيرگني دن خبربيرگندي.فارين پاليسي مجله سي هم بو خبرني تصديقلشكندي،

باشقه تماندن اگر بو خبر توغري بولسه افغان لر ارا مذاكره لر كيچگه قاليشي ممكن.

ايرم منبع لر طالبان گروهي و افغانستان حكومتي ارا مذاكره لر ١٣ كوندن سونگ باشلنيشي ني احتمال بيرگنديلر.